ព័ត៌មានអន្ដរជាតិ
ចាក់វ៉ាក់សាំង AstraZeneca ដូសជំរុញ បង្កើនអង់ទីគ័រខ្លាំងក្លាប្រឆាំង អូមីក្រុង
ក្រុមហ៊ុន AstraZeneca បាននិយាយនៅថ្ងៃព្រហស្បតិ៍ទី១៣ខែមករានេះថា ទិន្នន័យបឋមពីការសាកល្បងលើវ៉ាក់សាំងកូវីដរបស់ខ្លួនឬគេហៅឈ្មោះ Vaxzevria បង្ហាញថា វាបានបង្កើតការឆ្លើយតបអង់ទីគ័រខ្ពស់ ប្រឆាំងនឹងវីរុសបំប្លែងខ្លួន អូមីក្រុង និងវីរុសប្រភេទផ្សេងទៀត រួមទាំង Beta, Delta, Alpha និង Gamma ផងដែរនៅពេលចាក់ដូសទី៣។
ក្រុមហ៊ុននិយាយថា ការឆ្លើយតបអង់ទីគ័រកាន់តែខ្លាំង ត្រូវបានគេឃើញនៅក្នុងខ្លួនមនុស្សដែលចាក់វ៉ាក់សាំ Vaxzevria ឬវ៉ាក់សាំងប្រភេទ mRNA ពីមុន។ ក្រុមហ៊ុនបន្ថែមថា ខ្លួននឹងបញ្ជូនទិន្នន័យនេះទៅនិយតករទូទាំងពិភពលោក ដែលមានតម្រូវការបន្ទាន់សម្រាប់ការចាក់ដូសជំរុញ។
AstraZeneca បានបង្កើតវ៉ាក់សាំងជាមួយអ្នកស្រាវជ្រាវមកពីសាកលវិទ្យាល័យ Oxford ហើយការសិក្សានៅមន្ទីរពិសោធន៍កាលពីខែមុនបានរកឃើញថា ការចាក់វ៉ាក់សាំង Vaxzevria ៣ដូសតែម្តង គឺមានប្រសិទ្ធភាពប្រឆាំងនឹងវីរុសបំប្លែងថ្មីដែលកំពុងរីករាលដាលយ៉ាងឆាប់រហ័ស។
នេះគឺជាទិន្នន័យដំបូងដែលក្រុមហ៊ុនបានបញ្ចេញពីការសាកល្បងរបស់ខ្លួន ទៅលើការចាក់ដូសជំរុញ។
ប្រធានក្រុមថ្នាំបង្ការរបស់សាកលវិទ្យាល័យ Oxford លោក Andrew Pollard បាននិយាយនៅក្នុងសេចក្តីថ្លែងការណ៍មួយថា “ការសិក្សាសំខាន់ៗទាំងនេះបង្ហាញថា ការចាក់ថ្នាំបង្ការ Vaxzevria ដូសទី៣បន្ទាប់ពីចាក់វ៉ាក់សាំងដូចគ្នា២ដូស ឬបន្ទាប់ពីចាក់វ៉ាក់សាំងប្រភេទ mRNA ឬវ៉ាក់សាំងអសកម្ម គឺបង្កើនភាពស៊ាំយ៉ាងខ្លាំងប្រឆាំងនឹងមេរោគកូវីដ១៩”៕
ប្រែសម្រួល៖ Vann Vann
ប្រភព៖ CNA
ចុចអាន៖ អង់គ្លេស រកឃើញផលរំខានដ៏កម្រពីវ៉ាក់សាំង AstraZeneca ធ្វើឲ្យប៉ះពាល់ដល់សរសៃប្រសាទ ឬឈានដល់ស្លាប់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង