Connect with us

ព័ត៌មានអន្ដរជាតិ

ដឹងមូលហេតុពីក្រោយការស្រកទម្ងន់មិនធ្លាប់មានរបស់ គីម ជុងអ៊ុន

បានផុស

នៅ

បើយោងតាមការចុះផ្សាយរបស់សារព័ត៌មាន ​​Metro បានឲ្យដឹងថា មេដឹកនាំកូរ៉េខាងជើងលោក គីម ជុងអ៊ុន មិនអាចញ៉ាំអាហារដែលគាត់ចូលចិត្តបានទេ ដោយសារការបិទព្រំដែនដែលបានអនុវត្ត ចំពេលមានរោគរាតត្បាតកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីខែធ្នូលោក គីម ជុងអ៊ុន ត្រូវបានគេថតរូបនៅក្នុងកិច្ចប្រជុំនៃគណបក្សពលករកូរ៉េ (WPK) ជាកន្លែងដែលអ្នកចូលរួមបានពិភាក្សាអំពីការអនុវត្តគោលនយោបាយរបស់គណបក្សនៅឆ្នាំ ២០២១ ក៏ដូចជាយុទ្ធសាស្រ្តអភិវឌ្ឍន៍សម្រាប់ឆ្នាំក្រោយ ចំពេលមានវិបត្តិសេដ្ឋកិច្ចដែលកំពុងបន្ត ហើយយោងតាមការថតរូបដែលចេញផ្សាយដោយទីភ្នាក់ងារសារព័ត៌មានកណ្តាលកូរ៉េ (KCNA) បានបង្ហាញថា មេដឹកនាំរូបនេះបានស្រកទម្ងន់ដែលមិនធ្លាប់មានពីមុនមកក្នុងរយៈពេលប៉ុន្មានខែថ្មីៗនេះ ។

ទន្ទឹមនឹងនោះ ប្រព័ន្ធផ្សព្វផ្សាយជាច្រើនបានប៉ាន់ស្មានជាយូរមកហើយអំពីរបបអាហាររបស់លោក គីម ជុងអ៊ុន ដោយនិយាយថា គាត់ចូលចិត្តអាហារដែលមានកាឡូរីខ្ពស់ និងអាហារប្រណិតៗ ស្រា Vodka ស្រា Hennessy និងស្រាសំប៉ាញ ។ របាយ​ការណ៍​មួយ​ចំនួន​ក៏​បាន​និយាយ​ដែរ​ថា លោក គីម ជុងអ៊ុន បាន​ញៀន​នឹង​ឈីស​ស្វីស តាំង​ពី​ពេល​គាត់​សិក្សា​នៅ​ប្រទេស​ស្វីស ។ អ្នក​ខ្លះ​ទៀត​បាន​អះអាង​ថា មេដឹកនាំ​កូរ៉េ​ខាង​ជើង​បាន​ឡើង​ទម្ងន់ដើម្បី​ធ្វើឲ្យ​ដូច​ឪពុក និង​ជីតា​របស់​គាត់ ។

លោកវេជ្ជបណ្ឌិត Sojin Lim អ្នកជំនាញកូរ៉េខាងជើងបានប្រាប់ Metro ថា “យើងដឹងថាគាត់មានប្រភពល្អ គាត់ចូលចិត្តឈីស គាត់ជាអ្នកផឹកស្រាច្រើន គាត់អាចទទួលទានអាហារឥតបានការទាំងអស់ ។ ប៉ុន្តែ​ដោយសារ​ការ​បិទ​ព្រំដែន​នេះ ផ្លូវ​ដែល​គាត់​នាំ​អាហារ​ទាំង​អស់​នេះ​ចូល​ទៅ​ក្នុង​ប្រទេស​កូរ៉េ​ខាង​ជើង​​ត្រូវ​កាត់ផ្ដាច់” ។

ទន្ទឹមនឹងនេះដែរ របាយការណ៍មួយចំនួនបានប៉ាន់ស្មានថា លោក គីម ជុងអ៊ុន គ្រាន់តែព្យាយាមប្រកាន់ខ្ជាប់នូវអាហាររូបត្ថម្ភត្រឹមត្រូវ ព្រោះការធាត់របស់គាត់អាចជាហេតុផលដែលគាត់បានធ្វើការវះកាត់បេះដូងកាលពីខែមេសាឆ្នាំមុន ។

ចំណែកអ្នកសង្កេតការណ៍បានគណនាថា ចាប់តាំងពីឡើងកាន់អំណាចក្នុងឆ្នាំ ២០១១ លោក គីម ជុងអ៊ុន ឡើងទម្ងន់ ៦ ទៅ ៧ គីឡូក្រាមជារៀងរាល់ឆ្នាំ ហើយនៅឆ្នាំ ២០២០ មានទម្ងន់ ១៤០ គីឡូក្រាម ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ្នកជំនាញព្រមាន! គីម ជុងអ៊ុន អាចបំផ្ទុះគ្រាប់បែក នុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៤ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៤ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៤ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៥ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម