ព័ត៌មានអន្ដរជាតិ
ណាតូបញ្ជូននាវា និងយន្តហោះចម្បាំងបន្ថែម ខណៈវិបត្តិនៅអ៊ុយក្រែនកាន់តែក្តៅ
អង្គការណាតូបាននិយាយកាលពីថ្ងៃចន្ទថា ខ្លួនកំពុងដាក់កម្លាំងរង់ចាំ និងពង្រឹងកម្លាំងទ័ពនៅអឺរ៉ុបខាងត្បូងតាមរយៈនាវា និងយន្តហោះចម្បាំង ជាអ្វីដែលរុស្ស៊ីបានថ្កោលទោសប្រទេសលោកខាងលិចថា បង្កើនការឆ្លើយតបច្របូកច្របល់ចំពោះកម្លាំងទព័របស់ខ្លួននៅព្រំដែនជាមួយប្រទេសអ៊ុយក្រែន។
ក្រសួងការពារជាតិសហរដ្ឋអាមេរិកនៅទីក្រុងវ៉ាស៊ីនតោនបាននិយាយថា កម្លាំងទ័ពអាមេរិកប្រហែលជា៨៥០០នាក់បានត្រៀមជើងការ និងកំពុងរង់ចាំការបញ្ជាដើម្បីដាក់ពង្រាយទៅតំបន់នោះ ប្រសិនបើរុស្ស៊ីឈ្លានពានអ៊ុយក្រែន។
ភាពតានតឹងកំពុងក្តៅខ្លាំង បន្ទាប់ពីរុស្ស៊ីបានដាក់ពង្រាយកងទ័ពប្រមាណ១០ម៉ឺននាក់ចូលទៅព្រំដែនជាប់ប្រទេសជិតខាងរបស់ខ្លួនគឺអ៊ុយក្រែនដែលមានកម្លាំងទ័ពនៅភាគខាងជើង ខាងកើត និងខាងត្បូង។
រុស្ស៊ីបានបដិសេធចំពោះផែនការឈ្លានពានណាមួយ ហើយរដ្ឋាភិបាលទីក្រុងមូស្គូកំពុងលើកឡើងពីការឆ្លើយតបរបស់លោកខាងលិចថាជាភស្តុតាងដែលរុស្ស៊ីគឺជាគោលដៅនៃការឈ្លានពាន ដែលមិនមែនជាអ្នកញុះញុងទេ។
ប្រធានាធិបតីអាមេរិក លោក ចូ បៃដិន ដែលកំពុងជំរុញឲ្យរួមដៃគ្នាឆ្លងទ្វីប បានហៅទូរសព្ទវីដេអូរយៈពេល៨០នាទីជាមួយមេដឹកនៃអឺរ៉ុបមួយចំនួនកាលពីថ្ងៃចន្ទចេញពីបន្ទប់សេតវិមានដើម្បីពិភាក្សាវិបត្តិអ៊ុយក្រែន។
លោក បៃដិន ប្រាប់អ្នកកាសែតថា ៖«ខ្ញុំមានកិច្ចប្រជុំមួយល្អណាស់ជាមួយមេដឹកនាំអឺរ៉ុប ក្នុងនោះមានមេដឹកនាំអាល្លឺម៉ង់ បារាំង អ៉ីតាលី ចក្រភពអង់គ្លេស និងប៉ូឡូញជាដើម»។ លោកបញ្ជាក់ថា មានឯកភាពគ្នាទាំងស្រុង។
សេចក្តីថ្លែងការណ៍សេតវិមានមួយបាននិយាយថា បណ្តាមេដឹកនាំបានពិភាក្សាពីកិច្ចខិតខំប្រឹងរួមគ្នាដើម្បីទប់ស្កាត់ការឈ្លានពានរបស់រុស្ស៊ីទៅលើអ៊ុយក្រែន រាប់ទាំងការត្រៀមដាក់ផលវិបាលដ៏ធំធេង និងតម្លៃសេដ្ឋកិច្ចដ៏ធ្ងន់ធ្ងរទៅលើរុស្ស៊ី ដើម្បីជាចំណាត់ការ ព្រមទាំងពង្រឹងសន្តិសុខនៅផ្នែកខាងកើតណាតូ។
ស្វាគមន៍ចំពោះការដាក់ពង្រាយកម្លាំងទ័ពជាស៊េរីដែលត្រូវបានប្រកាសដោយសមាជិកសម្ព័ន្ធភាពនៅក្នុងរយៈពេលប៉ុន្មានថ្ងៃថ្មីៗនេះ លោក Jens Stoltenberg អគ្គលេខាធិការអង្គការណាតូបាននិយាយថា ណាតូនឹងចាត់វិធានការចាំបាច់ទាំងអស់។
លោក Stoltenberg បាននិយាយថា ៖«យើងតែងតែនឹងឆ្លើយតបចំពោះភាពទន់ខ្សោយណាមួយនៃបរិយាកាសសន្តិសុខរបស់យើង មានដូចជាការពង្រឹងសមត្ថភាពការពាររួមរបស់ពួកយើង»។
លោកបានបន្តថា ការបង្កើនវត្តមានកម្លាំងទ័ពនៅតំបន់ខាងកើតណាតូអាចរាប់ទាំងការដាក់ពង្រាយក្រុមសមរភូមិនៅភាគអាគ្នេយ៍នៃសម្ព័ន្ធភាព។
រហូតដល់ពេលនេះ ណាតូមានកម្លាំងទ័ពប្រហែល៤០០០នាក់នៅក្នុងកងវរសេនាតូចចម្រុះជាតិសាសន៍នៅក្នុងប្រទេសអេស្តូនី លីទុយអានី ឡាតវី និងប៉ូឡូញ ដែលមានរថក្រោះ យន្តហោះការពារដែនអាកាស និងអង្គភាពស៊ើបការណ៍ និងឃ្លាំមើល។
ណាតូ បាននិយាយថា ដាណឺម៉ាក អេស្ប៉ាញ បារាំង និងហុល្លង់ បានកំពុងរៀបផែនការ ឬពិចារណាបញ្ជូនកងទ័ព យន្តហោះចម្បាំង នាវាចម្បាំងទៅកាន់អឺរ៉ុបខាងកើត។ អ៊ុយក្រែនមានព្រំដែនជាប់ជាមួយប្រទេសរបស់អង្គការណាតូ៤គឺ ប៉ូឡូញ ស្លូវ៉ាគី ហុងគ្រី និងរូម៉ានី៕
ប្រែសម្រួល៖ វីរបុត្រ
ប្រភព៖ reuters
ប្រទេសជិតខាងកម្ពុជា សុទ្ធតែត្រូវវាយប្រហារធ្ងន់ដោយព្យុះ វីពផា ខណៈថៃ មានទាំងមនុស្សស្លាប់
ចិនចាប់ផ្ដើមសាងសង់ទំបន់វារីអគ្គិសនីធំបំផុតលើលោក បង្កក្ដីបារម្ភពីប្រទេសក្រោមខ្សែទឹក
នៅកណ្តាលទន្លេមេគង្គ កោះទ្រង់ជាកោះដំបូងគេក្នុងខេត្តក្រចេះ មានអគ្គិសនីតពីបណ្តាញជាតិប្រើប្រាស់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
ធនាគារ វីង បើកសាខាថ្មីក្នុងខេត្តកំពង់ធំ ដើម្បីជំរុញបរិយាបន្នហិរញ្ញវត្ថុក្នុងសហគមន៍
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
លីគបាល់ទះពិភពលោក VNL រកឃើញវគ្គ ៨ ក្រុមខ្លាំង ខណៈ ជប៉ុន ប៉ះ ក្រុមលេខ ១ ក្នុងលោក
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន