ព័ត៌មានអន្ដរជាតិ
រុស្ស៊ី កំពុងពិចារណា បញ្ឆេះសង្គ្រាមនុយក្លេអ៊ែរ
អ្នកជំនាញបានព្រមានថា ប្រទេសរុស្ស៊ីកំពុងពិចារណា “បញ្ឆេះសង្គ្រាមនុយក្លេអ៊ែរ” ជាជម្រើសមួយដើម្បីវាយលុកអ៊ុយក្រែន ចំពេលភាពតានតឹងកើនឡើងខ្លាំង។
អ្នកវិភាគ Andrei Ostalski និយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន មិនទាន់សម្រេចចិត្តថាតើត្រូវជ្រើសយកជម្រើសមួយណា ក្នុងចំណោមជម្រើសទាំងប្រាំទេ ចំពេលមានភាពតានតឹងកើនឡើងនៅក្នុងប្រទេសអឺរ៉ុប។
អ្នកជំនាញរូបនេះបានលើកឡើងថា ផែនការអាចមានទៅដល់ “សង្គ្រាមនុយក្លេអ៊ែរ” ហើយថែមទាំងបានអះអាងផងដែរថា សង្រ្គាមរវាងរុស្ស៊ី និងអ៊ុយក្រែនគឺ ទំនងចៀសមិនផុតឡើយ ស្របពេលដែលទាហានរុស្ស៊ីបន្តប្រមូលផ្តុំនៅតាមព្រំដែន។
ការព្រមាននេះបានធ្វើឡើងបន្ទាប់ពីប្រធានាធិបតីអាមេរិកលោក ចូ បៃដិន និយាយថា លោកនឹងពិចារណាលើការដាក់ទណ្ឌកម្មផ្ទាល់ខ្លួនលើលោក វ្លាឌីមៀរ ពូទីន ប្រសិនបើរុស្ស៊ីឈ្លានពានអ៊ុយក្រែន។
លោក បៃដិន លើកឡើងថា នឹងមានផលវិបាកដ៏ធំសម្បើមសម្រាប់ពិភពលោក ប្រសិនបើរុស្ស៊ីលុកលុយប្រជាជាតិ ដែលស្ថិតនៅតាមព្រំដែនភាគនិរតីរបស់ខ្លួន ហើយអាចបង្កទៅជាការឈ្លានពានដ៏ធំបំផុត ចាប់តាំងពីសង្គ្រាមលោកលើកទី២មក។
កាលពីថ្ងៃចន្ទទី២៤ខែមករា ប្រធានាធិបតីអាមេរិកលោក ចូ បៃដិន បាននិយាយថា មានការឯកភាពទាំងស្រុង ជាមួយមេដឹកនាំអឺរ៉ុប ជុំវិញបញ្ហារុស្ស៊ីបង្កើនកងទ័ពនៅតាមព្រំដែនជាប់ប្រទេស អ៊ុយក្រែន។
លោក បៃដិន បានរៀបចំកិច្ចសន្ទនាតាមរយៈ Video Call ជាមួយសម្ព័ន្ធមិត្តអឺរ៉ុប ខណៈមហាអំណាចលោកខាងលិច មានគោលបំណងដាក់យុទ្ធសាស្ត្ររួមមួយ ប្រឆាំងនឹងសកម្មភាពរបស់រុស្ស៊ី។
រុស្ស៊ីបានចោទប្រកាន់អាមេរិក និងប្រទេសដទៃទៀតថា កំពុងបង្កើនភាពតានតឹងជុំវិញបញ្ហានេះ ហើយបដិសេធថា ខ្លួនគ្មានគគម្រោងចូលលុកលុយប្រទេសអ៊ុយក្រែនឡើយ។
ទោះបីជាយ៉ាងណាក៏ដោយ ទីក្រុងមូស្គូបានកសាងកងទ័ពនៅតាមព្រំដែន ដោយមានទាហានរុស្ស៊ីប្រហែល១០០,០០០នាក់ ត្រូវបានដាក់ពង្រាយនៅក្នុងតំបន់៕
ប្រែសម្រួល៖ Vann Vann
ប្រភព៖ Daily Star
ចុចអាន៖ អាមេរិក នឹងដាក់ទណ្ឌកម្មលោក ពូទីន ដោយផ្ទាល់ បើរុស្ស៊ីឈ្លានពាន អ៊ុយក្រែន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)