ព័ត៌មានអន្ដរជាតិ
UN មានប្រាក់រាប់សិបលានដុល្លារនៅធនាគារអាហ្វហ្គានីស្ថាន តែមិនអាចប្រើបាន
អង្គការសហប្រជាជាតិ (UN) មានប្រាក់ចំនួន១៣៥លានដុល្លារអាមេរិកក្នុងធនាគារនៅប្រទេសអាហ្វហ្គានីស្ថាន ប៉ុន្តែមិនអាចប្រើប្រាស់បានទេ ដោយសារធនាគារកណ្តាលគ្រប់គ្រងដោយតាលីបង់មិនប្តូរទៅជារូបិយប័ណ្ណអាហ្វហ្គានីស្ថាន។
កាលពីថ្ងៃព្រហស្បតិ៍ លោក Abdallah al Dardari ប្រធានកម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំប្រទេសអាហ្វហ្គានីស្ថាន បានឲ្យដឹងថា UN បានយកប្រាក់ដុល្លារទៅដាក់ក្នុងធនាគារអន្តរជាតិអាហ្វហ្គានីស្ថាន (AIB) ដោយមានការសន្យាច្បាស់លាស់ពីធនាគារកណ្តាលថា សាច់ប្រាក់នឹងត្រូវបានបំប្លែងដោយស្វ័យប្រវត្តិទៅជាប្រាក់អាហ្វហ្គានីស្ថាន។
លោកបានប្រាប់ថា ៖«នេះមិនបានកើតឡើងទេ។ UNDP ក៏មានប្រាក់៣០លានដុល្លារអាមេរិកជាប់គាំងនៅធនាគារអន្តរជាតិអាហ្វហ្គានីស្ថានដែរដែលខ្ញុំមិនអាចប្តូរទៅជាប្រាក់អាហ្វហ្គានីស្ថានបាន។ ដោយគ្មានលុយអាហ្វហ្គានីស្ថានស្រមៃមើល ថាតើយើងដំណើរការកម្មវិធីទាំងអស់ដោយរបៀបណា»។
តាលីបង់ដែលក្តោបក្តាប់អំណាចកាលពីខែសីហា ឆ្នាំ២០២១ បានហាមប្រើប្រាស់រូបិយប័ណ្ណបរទេសនៅក្នុងប្រទេសដែលកន្លងមកប្រាស់ប្រាស់ប្រាក់ដុល្លារយ៉ាងទូលំទូលាយ។
ក្រុមឥស្លាមស្ថិតក្រោមទណ្ឌកម្មអន្តរជាតិជាយូរមកហើយដែលអង្គការសហប្រជាជាតិ និងទីភ្នាក់ងារជំនួយផ្សេងៗនិយាយថា ឥឡូវនេះកំពុងរាំងស្ទះដល់ប្រតិបត្តិការមនុស្សធម៌នៅអាហ្វហ្គានីស្ថានដែលមានមនុស្សជាងពាក់កណ្តាលនៃប្រជាជន៣៩លាននាក់កំពុងទទួលរងភាពអត់ឃ្លានយ៉ាងខ្លាំង ហើយសេដ្ឋកិច្ច ការអប់រំ និងសេវាសង្គមប្រឈមនឹងការដួលរលំ។
ប្រាក់រាប់ពាន់លានដុល្លារនៅក្នុងទុនបំរុងរបស់ធនាគារកណ្តាលអាហ្វហ្គានីស្ថាន និងជំនួយអភិវឌ្ឍន៍បរទេសត្រូវបានបង្កកដើម្បីការពារវាពីការធ្លាក់ចូលទៅដៃរបស់ពួកតាលីបង់។
ធនាគារអន្តរជាតិមានការប្រយ័ត្នប្រយែងចំពោះការរំលោភលើទណ្ឌកម្ម ដែលធ្វើឲ្យអង្គការសហប្រជាជាតិ និងក្រុមជំនួយជួបការលំបាកក្នុងការទទួលបានប្រាក់គ្រប់គ្រាន់ចូលប្រទេស៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៣ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ចរាចរណ៍៧ ថ្ងៃ ago
មន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L