រថយន្តដឹកទំនិញ ឡាវ រាប់ពាន់គ្រឿងបន្តជាប់គាំងនៅព្រំដែន ចិន

អាជ្ញាធរខេត្ត Luang Namtha កំពុងជួយសម្រួលដល់រថយន្តដឹកទំនិញ និងរថយន្តរាប់ពាន់គ្រឿងផ្សេងទៀតដែលជាប់គាំងនៅព្រំដែនជាមួយប្រទេសចិនក្នុងទីក្រុង Boten។

វិទ្យុយុវជនឡាវ (LYR) បានរាយការណ៍ថា រថយន្តដឹកទំនិញមួយចំនួនធំ ក៏ដូចជាជនជាតិចិនដែលព្យាយាមត្រឡប់ទៅប្រទេសចិនពីប្រទេសឡាវនៅតែជាប់គាំងនៅព្រំដែន Boten-Mohan ។

ទន្ទឹមនោះ អភិបាលខេត្ត Luang Namtha លោក Khamlay Sipaseuth បាននិយាយថា ដោយសារតែចំនួនដ៏ច្រើននៃករណីឆ្លងកូវីដដែលបានកត់ត្រានៅក្នុងប្រទេសឡាវ, ប្រទេសចិនបានរឹតបន្តឹងការចូលសម្រាប់ទាំងរថយន្តឯកជន និងរថយន្តដឹកជញ្ជូន ឬមធ្យោបាយដឹកជញ្ជូនផ្សេងទៀតជាដើម ។

លោក Khamlay បាននិយាយថា “អាជ្ញាធរចិនអនុញ្ញាតឲ្យរថយន្តប្រមាណពី ១៥០ គ្រឿងទៅ ២០០ គ្រឿងប៉ុណ្ណោះឆ្លងចូលប្រទេសចិនក្នុងមួយថ្ងៃ ដែលបណ្តាលឲ្យមានការពន្យារពេលយ៉ាងច្រើន” ។

លោកបញ្ជាក់ថា អាជ្ញាធរ​នៅ​ខេត្ត​ Luang Namtha បានប្រាប់ដល់​អាជ្ញាធរ​ចិនឲ្យ​ដឹង​អំពី​បញ្ហា​នេះផងដែរ ហើយពេលនេះ​រថយន្តអាច​ឈាន​ទៅ​មុខ​បាន​ខ្លះ​ហើយ” ។

គួរបញ្ជាក់ថា ឡានដឹកទំនិញរាប់ពាន់គ្រឿងបានជាប់គាំងនៅក្នុងខេត្ត Luang Namtha តាំងពីចុងឆ្នាំមុនមកម្ល៉េះ ដោយខេត្តបានហាមប្រាមយានយន្តចូលជាបណ្តោះអាសន្នដើម្បីទប់ទល់នឹងការកកស្ទះ ក៏ដូចជាទប់ស្កាត់ការឆ្លងកូវីដជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ ឡាវ ត្រៀមសាងសង់បង្គោល និងខ្សែ រត់ភ្លើង ២២០ គីឡូវ៉ាត់ទៅ វៀតណាម