ព័ត៌មានអន្ដរជាតិ

បាក់ស្រុតអគារនៅថៃ ពេលកំពុងចាក់ប្លង់សេ បណ្តាលឲ្យស្លាប់កម្មករ ៣ នាក់ និងរបួសធ្ងន់ ៤ នាក់

បានផុស

៤ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

ប្លង់សេ នៃអគារសំណង់មួយកន្លែង បានបាក់ស្រុតស្ទើរទាំងស្រុង បណ្តាលឲ្យសង្កត់ទៅលើកម្មករដែលកំពុងបំពេញការងារនៅខាងក្រោម រងរបួសធ្ងន់៤នាក់ និងបាត់បង់ជីវិតចំនួន៣នាក់ ខណ:ដែលអគារនេះកំពុងចាក់បេតុងនៅខាងលើ។ ហេតុការណ៍នេះ បានកើតឡើងនៅវេលាម៉ោង ២ រសៀល កាលពីថ្ងៃទី ១៧ ខែកុម្ភៈ ឆ្នាំ ២០២២ នៅក្នុងទីតាំងសំណង់មួយកន្លែងជាប់ផ្លូវព្រះរាម ៤ ក្នុងខណ្ឌឡុំភីនី ទីក្រុងបាងកក ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពបានបញ្ជាក់ថា នៅមុនពេលកើតហេតុ គឺជាពេលដែលកំពុងចាក់ប្លង់សេនៅជាន់ខាងលើ ក៏ស្រាប់តែមានជ្រុងមួយបានបាក់ស្រុតចុះទៅខាងក្រោម បណ្តាលឲ្យសង្កត់ទៅលើកម្មករដែលកំពុងធ្វើការ ដែលជាក់ស្តែងនៅពេលនោះមានកម្មករស្លាប់ចំនួន ៣ នាក់ និងរងរបួសធ្ងន់ចំនួន ៤ នាក់ ដែលគេនៅមិនទាន់ដឹងថា មានកម្មករខ្មែរដែរឬយ៉ាងណានោះទេ ព្រោះនៅក្នុងទីតាំងនេះក៏មានកម្មករខ្មែររាប់រយនាក់ផងដែរ។

គួរបញ្ជាក់ថា អគារដែលកំពុងសាងសង់នេះ គឺទទួលម៉ៅការសាងសង់ដោយក្រុមហ៊ុន អ៊ីតាលៀន-ថៃ ឌីវើឡុបពើមែន ចាំកាត់ ដែលជាគម្រោងអភិវឌ្ឍន៍នៅលើផ្ទៃដី ១០៤ រ៉ៃ និងត្រូវចំណាយថវិកាប្រមាណ ១២០.០០០ លានបាត។ ក្រោយកើតហេតុ ទាំងសមត្ថកិច្ច ក៏ដូចជាមន្ត្រីពាក់ព័ន្ធ ពិសេសអង្គភាពជំនាញ កំពុងចុះសិក្សាលើបញ្ហានេះ៕