ឪពុកម្តាយត្រូវការពារកូន! មួយសប្តាហ៍ ថៃ មានកុមារឆ្លងកូវីដ ៦ពាន់នាក់ (មានវីដេអូ)

ការឆ្លងជំងឺកូវីដ១៩ក្នុងចំណោមកុមារថៃ កំពុងកើនឡើង ដោយមានកុមារប្រហែល ៦ ០០០នាក់ បានធ្វើតេស្តវិជ្ជមានកាលពីសប្តាហ៍មុន។ នេះជាតួលេខប្រចាំសប្តាហ៍ខ្ពស់បំផុតដែលប្រមូលបានដោយក្រសួងសុខាភិបាល ចាប់តាំងពីការផ្ទុះឡើងនៃវីរុសបំប្លែងខ្លួន អូមីក្រុង កាលពីដើមឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ លោក Ekachai Piansriwatchara អគ្គនាយករងក្រសួង បានជំរុញឲ្យឪពុកម្តាយគ្រប់រូប មើលថែកូនៗរបស់ពួកគេ ដោយគោរពឲ្យបានខ្ជាប់ខ្ជួនចំពោះវិធានការសុខភាព ក្នុងគោលបំណងទប់ស្កាត់ការរីករាលដាលនៃជំងឺកូវីដ១៩។

លោកវេជ្ជបណ្ឌិត Ekachai និយាយថា ក្រសួងកំពុងតាមដានការកើនឡើងករណីឆ្លងកូវីដ ក្នុងចំណោមកុមារដែលមានអាយុចាប់ពី៥ឆ្នាំឡើង។

លោកបន្តថា “ចំនួនកុមារដែលឆ្លង បានកើនឡើងពីប្រហែល១ ០០០ករណីក្នុងមួយសប្តាហ៍ក្នុងខែមករា ដល់៦ ០០០ករណីក្នុងមួយសប្តាហ៍។ ខ្ញុំសូមស្នើឲ្យឪពុកម្តាយប្រុងប្រយ័ត្នបំផុតសម្រាប់កូនៗរបស់ពួកគេ ព្រោះក្នុងប្រទេសថៃ មិនទាន់មានវ៉ាក់សាំងសម្រាប់កុមារអាយុពី ០ ដល់ ៥ ឆ្នាំ នៅឡើយទេ នាពេលនេះទេ”។

ក្រសួងបញ្ជាក់ថា ចាប់ពីខែមេសាឆ្នាំមុន ដល់ថ្ងៃទី ១៧ ខែកុម្ភៈឆ្នាំ២០២២នេះ មានកុមារចំនួន ១០៧ ០៥៩នាក់បានឆ្លងជំងឺកូវីដ១៩៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ឆ្លងច្រើនពេក អ្នកជំងឺកូវីដនៅថៃ ដេកតាមចិញ្ចើមផ្លូវ រង់ចាំការព្យាបាល