ពូទីន ជំរុញឲ្យកងទ័ពអ៊ុយក្រែន ផ្តួលរំលំរដ្ឋាភិបាលរបស់ពួកគេ ហើយមកចរចាជាមួយ រុស្ស៊ី

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានជំរុញឲ្យកងទ័ពអ៊ុយក្រែន ផ្តួលរំលំរដ្ឋាភិបាលរបស់ពួកគេ ហើយចាប់ផ្តើមចរចាជាមួយវិមានក្រឹមឡាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា “វាហាក់ដូចជាមានភាពងាយស្រួលជាងសម្រាប់ពួកយើង ក្នុងការទាក់ទងជាមួយអ្នក ជាជាងជាមួយនឹងក្រុមជើងកាងញៀនថ្នាំ និងក្រុមគាំទ្រលទ្ធិណាហ្ស៊ី”។

លោកបាននិយាយបែបនេះ បន្ទាប់ពីមានព័ត៌មានថា កងកម្លាំងប្រដាប់អាវុធរបស់ប្រទេសអ៊ុយក្រែន បានបាញ់ទម្លាក់យន្តហោះយោធារុស្ស៊ីមួយគ្រឿង ដែលដឹកទាហានឆ័ត្រយោងចំនួន ១៥០នាក់នៅជាយក្រុង គៀវ។

យោធាអ៊ុយក្រែននិយាយថា យន្តហោះមួយគ្រឿងនេះបានធ្លាក់នៅជិតតំបន់ Vasylkiv ដែលមានចម្ងាយជាង ៣០គីឡូម៉ែត្រភាគខាងត្បូងទីក្រុង គៀវ។

ជោគវាសនារបស់អ្នកនៅលើយន្តហោះ មិនត្រូវបានគេដឹងទេ។ យន្តហោះនេះ គឺជាយន្តហោះដឹកជញ្ជូនយោធាចម្ងាយមធ្យម ដាក់ឲ្យប្រើប្រាស់ជាលើកដំបូងក្នុងឆ្នាំ១៩៧៤ ហើយអាចផ្ទុកទាហានដែលមានបំពាក់ពេញលេញពី ១៥០ ទៅ ២២៥ នាក់។ យន្តហោះត្រូវបានប្រើដើម្បីទម្លាក់ទាហានឆ័ត្រយោងទៅក្នុងសមរភូមិ និងផ្គត់ផ្គង់អាវុធ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន បាញ់ទម្លាក់យន្តហោះរុស្ស៊ី ដែលដឹកទាហានឆ័ត្រយោង ១៥០នាក់ ចូលវាយលុកទីក្រុង គៀវ