ប្រជាធិបតី អ៊ុយក្រែន និយាយថា កងទ័ព រុស្សី ជិត ៦,០០០ នាក់ត្រូវបានសម្លាប់ ក្នុងរយៈពេល ៦ ថ្ងៃ

ប្រធានាធិបតីអ៊ុយក្រែនលោក Volodymyr Zelenskyy បាននិយាយនៅថ្ងៃនេះថា​ ទាហានរុស្ស៊ីជិត ៦,០០០នាក់ នាក់​ត្រូវ​បាន​សម្លាប់ ​នៅក្នុង​រយៈពេល៦ថ្ងៃដំបូ​ងនៃសង្រ្គាម​ ​ខណៈ​សង្រ្គាមនេះ បានឈានចូលដល់ថ្ងៃទី ៧ ហើយ។

មេដឹកនាំ​អ៊ុយក្រែននិយាយ រុស្ស៊ី​មិន​អាច​ឈ្នះ​សង្គ្រាម​នេះ​ ដោយ​​ការ​ទម្លាក់​គ្រាប់បែក ការ​វាយ​ប្រហារ និង​គ្រាប់​រ៉ុកកែត ដែល​បាន​ធ្លាក់​លើ​ទីក្រុង​អ៊ុយក្រែន ក្នុង​ប៉ុន្មាន​ថ្ងៃ​ថ្មីៗ​នេះ​ទេ។

លោកក៏បានអះអាងដែរថា ទីក្រុងមូស្គូ មានបំណងចង់លុបប្រវត្តិសាស្រ្តរបស់យើង បន្ទាប់ពីបូជនីយដ្ឋាន Holocaust ក្នុងទីក្រុង Kyiv​ ត្រូវបានវាយប្រហារដោយ​មីស៊ីលរុស្ស៊ី កាលពីថ្ងៃអង្គារ។

លោក Zelenskyy ក៏បានបន្ថែមទៀតថា “សម្រាប់មនុស្សធម្មតា ដែលដឹងពីប្រវត្តិសាស្រ្តរបស់យើង ប្រវត្តិសាស្រ្តពិភពលោក Babyn Yar គឺជាផ្នែកពិសេសនៃទីក្រុង Kyiv ផ្នែកពិសេសនៃទ្វីបអឺរ៉ុប ជាកន្លែងសម្រាប់ការអធិស្ឋាន កន្លែងចងចាំមនុស្ស ១០០,០០០នាក់ ដែល​ត្រូវបានសម្លាប់​ដោយពួកណាស៊ី។

យ៉ាងណាមិញ​ ភាគគីខាង​​រុស្ស៊ី​ មិន​ទាន់​បញ្ជាក់​ពី​ការ​ខាត​បង់​ដ៏​ធ្ងន់​នេះ​នៅ​ឡើយ​ទេ៕

ប្រែសម្រួល៖ សាង ស្រីល័ក្ខ

ប្រភព៖SKY

ចុចអាន៖មកស្គាល់បុរសខ្លាំង អ៊ុយក្រែន ពាក់មួក និងអាវសាមញ្ញ អង្គុយចរចាជាមួយ រុស្ស៊ី