ព័ត៌មានអន្ដរជាតិ

ពិភពលោកបារម្ភខ្លាំង បើរោងចក្រនុយក្លេអ៊ែរធំបំផុតនៅអឺរ៉ុបផ្ទុះម្ដងទៀត នឹងធំជាងរោងចក្រ Chernobyl ១០ ដង

បានផុស

៤ years មុន

នៅ

ថ្ងៃសៅរ៍ ៥ មីនា ២០២២

ដោយ

បន្ទាប់ពីមានព័ត៌មានបានរាយការណ៍ថា រោងចក្រនុយក្លេអ៊ែរ Zaporizhia នៅអ៊ុយក្រែន ដែលជារោងចក្រដ៏ធំបំផុតនៅលើពិភពលោក ត្រូវបានដុតនិងវាយលុកពីកងទ័ពរុស្ស៊ី។ ប៉ុន្តែ ភ្លើងដែលឆាបឆេះអាចគ្រប់គ្រងបាន ដោយគ្មានការលេចធ្លាយវិទ្យុសកម្មណាមួយឡើយ។

ទន្ទឹមនោះ ហេតុការណ៍ដ៏រន្ធត់នេះ ធ្វើឲ្យមនុស្សជាច្រើនគិតដល់កាលពី៣៦ឆ្នាំមុន នៃវិបត្តិដ៏ខ្លាំងក្លា ពីរោងចក្រ នុយក្លេអ៊ែរ Chernobyl ដោយសារតែលោក Dmytro Kuleba រដ្ឋមន្ត្រីក្រសួងការបរទេសអ៊ុយក្រែន បានបង្ហោះសារថា “ កងទ័ពរុស្ស៊ីបានបាញ់ចេញពីគ្រប់ទិសទី ដើម្បីវាយប្រហារ។ រោងចក្រថាមពលនុយក្លេអ៊ែរ Zaporizhia ដែលជារោងចក្រថាមពលនុយក្លេអ៊ែរដ៏ធំបំផុតនៅអឺរ៉ុប បើវាផ្ទុះ វានឹងធំជាង Chornobyl ១០ ដង ។ ដូច្នេះរុស្ស៊ីត្រូវតែបញ្ឈប់ការបាញ់ប្រហារជាបន្ទាន់ ហើយឲ្យអ្នកពន្លត់អគ្គិភ័យគ្រប់គ្រងស្ថានការណ៍ ” ។

ដូច្នេះនៅពេលដែលរោងចក្រថាមពលនុយក្លេអ៊ែរ Zaporizhian ឆេះ ពីការវាយឆ្មក់របស់យោធារុស្ស៊ី រដ្ឋមន្ត្រីការបរទេសអ៊ុយក្រែនបាននិយាយថា ផលប៉ះពាល់អាចនឹងធំ ប្រសិនបើរោងចក្រនុយក្លេអ៊ែរផ្ទុះ នោះវាប៉ះពាល់ដល់ទៅ ១០ ដង ច្រើនជាងករណី Chernobyl ដែលមានន័យថា មនុស្សរាប់សិបលាននាក់ អាចប្រឈមនឹងហានិភ័យនៃការចម្លងរោគមហារីក ហើយអាចមានមនុស្សស្លាប់រាប់ម៉ឺននាក់ មិនធ្លាប់មានលើពិភពលោក៕

ប្រែសម្រួល៖ សាង ស្រីល័ក្ខ

ចុចអាន៖ចំណុចសំខាន់ ៥ ត្រូវការពារខ្លួន ប្រសិនបើមានសង្គ្រាមនុយក្លេអ៊ែរ កើតឡើងពិតមែន

ចុចអាន៖ថាមពលនុយក្លេអ៊ែរខ្លាំងកម្រិតណា ហើយប៉ះពាល់អាយុជីវិតមនុស្សទូទាំងពិភពលោកដែរទេ?