ទាហានរុស្ស៊ី ដើរកាន់គ្រាប់បែកចូលហ្វូងមនុស្ស គម្រាមឲ្យប្រជាជនអ៊ុយក្រែន ចុះចាញ់

នេះ​ជាវីដេអូគួឲ្យភ័យខ្លាច ដែលបង្ហាញ​ទាហាន​រុស្ស៊ី​ម្នាក់ ​កាន់​គ្រាប់បែកដៃចំនួន​ពីរ​គ្រាប់លើកឡើងលើ ខណៈពេល​គាត់​ ដើរ​ក្នុងចំណោម​ជនជាតិ​អ៊ុយក្រែន ដោយ​គម្រាម​ឲ្យ​ពួកគេ​ចុះចាញ់នៅទីក្រុង Konotop។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវីដេអូនោះ គេបានឮប្រជាជនអ៊ុយក្រែនដែលមានកំហឹង នាំគ្នាស្រែកឲ្យថា “ពិតជាគួរឲ្យអាម៉ាស់ណាស់”។ អ្នកខ្លះបានប្រាប់បុរសមកពីទីក្រុងមូស្គូរូបនេះថា កុំដើរកាន់គ្រាប់បែកអ៊ីចឹង ខណៈអ្នកផ្សេងទៀតបែរជាលេងសើចជាមួយទាហាន ភ្លេចអំពីគ្រោះថ្នាក់នៃគ្រាប់បែកទៅវិញ។

ទាហាន​រូប​នេះ​ស្ថិត​ក្នុង​ទីក្រុង ​នៅ​ឆ្នេរ​សមុទ្រភាគ​ខាង​ត្បូង​ប្រទេស​អ៊ុយក្រែន ដើម្បី​ចរចាឲ្យប្រជាជនអ៊ុយក្រែនចុះចាញ់ ​បន្ទាប់​ពី​​ឡោមព័ទ្ធ​ទីក្រុង។

គាត់ត្រូវបានគេរាយការណ៍ថា បាននិយាយជាមួយអភិបាលក្រុង Konotop លោក Artem Semenikhin ហើយបានដាក់ឱសានវាទឲ្យចុះចាញ់ បើមិនដូច្នោះទេ ត្រូវប្រយុទ្ធគ្នា។

គួរបញ្ជាក់ថា រឿងនេះកើតឡើង នៅពេលកងកម្លាំងរុស្ស៊ីកាលពីព្រឹកថ្ងៃព្រហស្បតិ៍ បានដណ្តើមយកទីក្រុងសំខាន់ដំបូងបង្អស់គឺ Kherson ដែលជាទីក្រុងមានប្រជាជន ៣០០ ០០០នាក់ នៅលើសមុទ្រខ្មៅ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទាហានរុស្ស៊ី កំពុងឆ្ពោះទៅ រោងចក្រថាមពលនុយក្លេអ៊ែរ ធំបំផុតរបស់អឺរ៉ុប