ព័ត៌មានអន្ដរជាតិ
ប្រជាជន អាមេរិក សម្រុកទិញថ្នាំប្រឆាំងវិទ្យុសកម្ម ព្រោះខ្លាចផ្ទុះសង្គ្រាម នុយក្លេអ៊ែរ ឯតម្លៃកប់ក្ដោង
សារព័ត៌មាន CNN បានរាយការណ៍ថា ប្រជាជនអាមេរិកកំពុងប្រញាប់ប្រញាល់ទិញថ្នាំគ្រាប់ដែលមានសារធាតុប៉ូតាស្យូមអ៊ីអូឌីត (Potassium Iodide) ដែលអាចទប់ទល់នឹងផលប៉ះពាល់នៃការពុលដោយវិទ្យុសកម្ម ដោយសារការភ័យខ្លាចនៃសង្គ្រាមនុយក្លេអ៊ែរដែលអាចកើតមាន ។
ជាធម្មតាក្រុមហ៊ុន Anbex បានលក់ថ្នាំ IOSAT ចំនួន ១៤ ប្រអប់លក់ក្នុងតម្លៃ ១៣.៩៩ ដុល្លារនៅលើគេហទំព័ររបស់ខ្លួន ប៉ុន្តែតម្រូវការកាន់តែច្រើនបានជំរុញឲ្យតម្លៃកើនឡើង ពោលដាក់លក់ក្នុងតម្លៃ ១៤៩ ដុល្លារនៅលើវេបសាយ eBay ។
ចំណែកថ្នាំប៉ូតាស្យូមអ៊ីអូឌីតប្រភេទ Thyrosafe ចំនួន ៤ ប្រអប់ត្រូវបានលក់ក្នុងតម្លៃ ១៣២.៥០ ដុល្លារ ខណៈថ្នាំគ្រាប់ IOSAT ប្រភេទ ១៣០ មីល្លីក្រាមមានតម្លៃ ៨៩.៩៥ ដុល្លារក្នុងមួយប្រអប់ ។
ទន្ទឹមនោះ គេហទំព័ររបស់ក្រុមហ៊ុន Anbex, Inc. ដែលមានមូលដ្ឋាននៅទីក្រុងញូវយ៉ក និងជាអ្នកផ្គត់ផ្គង់ឈានមុខគេនាពេលបច្ចុប្បន្ននេះបាននិយាយថា ពួកគេអស់ស្តុកនៃគ្រាប់ថ្នាំ IOSAT ប្រភេទ ១៣០ មីល្លីក្រាម និង ៦៥ មីល្លីក្រាមហើយ ។
លោក Troy Jones អនុប្រធានផ្នែកលក់ និងទីផ្សាររបស់ក្រុមហ៊ុន Anbex ត្រូវបានដកស្រង់សម្តីថា “យើងសង្ឃឹមថា ថ្នាំនឹងមានក្នុងស្តុកវិញនៅដើមខែមេសា ប៉ុន្តែយើងក៏កំពុងជំរុញឲ្យបានលឿននៅចុងខែមីនានេះ” ។
លោកបានបន្ថែមថា ការបញ្ជាទិញបានចាប់ផ្តើមកើនឡើងនៅពាក់កណ្តាលខែកុម្ភៈ ដោយមានអ្នកទិញចាប់ពីបុគ្គល និងអ្នកលក់ បន្តរហូតដល់មន្ទីរពេទ្យ ក្រុង និងរដ្ឋាភិបាលជាដើម ហើយបច្ចុប្បន្នយើងបានលក់ពីស្តុកទាំងអស់ដែលយើងមាន ។
គួរបញ្ជាក់ថា ប្រជាជនអាមេរិកបានប្រញាប់ប្រញាល់ទៅទិញថ្នាំប្រឆាំងវិទ្យុសកម្មនេះ ដោយសារតែពិភពលោកកំពុងតាមដានយ៉ាងយកចិត្តទុកដាក់អំពីសង្គ្រាមនុយក្លេអ៊ែររបស់រុស្ស៊ីលើអ៊ុយក្រែន ក្រោយការលុកលុយរបស់កងកម្លាំងក្រុងមូស្គូលើក្រុងកៀវកាលពីថ្ងៃទី ២៤ ខែកុម្ភៈ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ នេះប្រាក់ខែទាហានស៊ីឈ្នួលបរទេសដែល រុស្ស៊ី ផ្ដល់ឲ្យប្រយុទ្ធជាមួយ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ