ព័ត៌មានអន្ដរជាតិ

អ៊ុយក្រែនបង្ហើបពីពេលវេលាដែលលោក ពូទីន និង Zelensky អាចជួបគ្នា

បានផុស

៤ years មុន

នៅ

ថ្ងៃសុក្រ ១៨ មីនា ២០២២

ដោយ

លោក Mikhail Podolyak ជំនួយការប្រធានាធិបតីអ៊ុយក្រែនបាននិយាយកាលពីថ្ងៃព្រហស្បតិ៍ថា លោក Volodymyr Zelensky អាចនឹងជួបប្រធានាធិបតីរុស្ស៊ីលោក វ្លាឌីមៀរ ពូទីន ក្នុងរយៈពេលប៉ុន្មានសប្តាហ៍ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា លោកបាននិយាយថា ការជួបគ្នាអាចកើតឡើងតែម្យ៉ាងគត់គឺនៅពេលសន្ធិសញ្ញាសន្តិភាពរវាងរដ្ឋាភិបាលក្រុងកៀវ និងរដ្ឋាភិបាលក្រុងមូស្គូត្រូវបានចុះហត្ថលេខា។

លោក Podolyak បានប្រាប់កាសែត Wirtualna Polska ថា ៖«ដរាបណាការងារលើកិច្ចព្រមព្រៀបត្រូវបានបំពេញចប់សព្វគ្រប់ យើងនឹងចាប់ផ្តើមរៀបចំកិច្ចប្រជុំ។ វានឹងកើតឡើងក្នុងរយៈពេលប៉ុន្មានសប្តាហ៍ខាងមុខ។ យ៉ាងណា ចំពោះទីកន្លែងមិនមែនជាបញ្ហាសម្រាប់ពួកយើងទេ។ វាអាចកើតឡើងកន្លែងណាក៏បាន លើកលែងតែនៅរុស្ស៊ី»។

មន្ត្រីបានអះអាងថា ការបញ្ចប់ចុងក្រោយលើកិច្ចព្រមព្រៀងសន្តិភាពអាចត្រូវការពេលវេលាច្រើនទៀត ដែលច្រើនថ្ងៃរហូតដល់មួយសប្តាហ៍កន្លះ។ បច្ចុប្បន្ននេះ ភាគីអ៊ុយក្រែន និងរុស្ស៊ីកំពុង«ទទួចពីចំណុចទស្សនៈរបស់ពួកគេ»។

«ការដកកម្លាំងទ័ពរុស្ស៊ីភ្លាមៗគឺជាចំណុចសំខាន់មួយនៃកិច្ចព្រមព្រៀងសន្តិភាព។ ទោះជាយ៉ាងណា ការចរចាគឺជាដំណើរការទ្រង់ទ្រាយធំដែលពាក់ព័ន្ធមិនត្រឹមតែរុស្ស៊ី និងអ៊ុយក្រែនប៉ុណ្ណោះទេ។ សូម្បីប្រទេសប៉ូឡូញក៏ស្ថិតក្នុងចំណោមបញ្ហាផ្សេងៗទៀតដែរ។ វាមិនមែនត្រឹមតែអំពីការចុះហត្ថលេខាលើកិច្ចព្រមព្រៀងប៉ុណ្ណោះទេ»។ លោក Podolyak បានពន្យល់។