ទាហានស៊ីឈ្នួល អង់គ្លេស ចេញពី អ៊ុយក្រែន ក្រោយបម្រើការបានត្រឹម ៩ ម៉ោង (មានវីដេអូ)

អ្នកស្ម័គ្រចិត្តបាននឹងកំពុងប្រមូលផ្តុំគ្នានៅក្នុងកងពលអន្តរជាតិសម្រាប់ប្រយុទ្ធឲ្យអ៊ុយក្រែន ប៉ុន្តែជនជាតិអង់គ្លេសម្នាក់បានចាកចេញពីប្រទេសអ៊ុយក្រែន បន្ទាប់ពីបម្រើការបានតែប៉ុន្មានម៉ោងប៉ុណ្ណោះ ។

លោក Jake Priday ដែលជាគ្រូបង្រៀន និងជាអតីតយុទ្ធជនបានឈប់សម្រាកចំនួន ៣ សប្តាហ៍ដើម្បីឆ្លើយតបនឹងការអំពាវនាវរបស់លោក Zelensky សម្រាប់ទាហានស៊ីឈ្នួលបរទេស ។

ទោះជាយ៉ាងណាក៏ដោយ នៅពេលមកដល់ប្រទេសប៉ូឡូញ គាត់បានរកឃើញខ្លួនឯងហ៊ុំព័ទ្ធដោយអ្នកជ្រើសរើសបុគ្គលិកដែលឆោតល្ងង់ ។

ការជ្រើសរើសទាហានស៊ីឈ្នួលត្រូវបានស្នើសុំឲ្យចុះហត្ថលេខាលើកិច្ចសន្យាដែលចងពួកគេទៅនឹងច្បាប់អាជ្ញាសឹក បង្ខំឲ្យពួកគេប្រយុទ្ធដោយគ្មានកំណត់ ហើយសម្រាប់ប្រាក់សំណងគឺត្រឹមតែ ២៣០ ដុល្លារប៉ុណ្ណោះក្នុងមួយខែ និងមានការបណ្តុះបណ្តាលរយៈពេល ៥ ថ្ងៃ ។ អាក្រក់ជាងនេះទៅទៀតនោះ ពួកគេនឹងធ្វើជាទាហានជួរមុខ។

បន្ទាប់មកលោក Priday បានព្យាយាមបញ្ចុះបញ្ចូលមិត្តរួមការងារឲ្យឈប់ពីការងារដែលត្រូវបានជ្រើសរើសនេះ ដោយសារមានមនុស្សតិចណាស់ដែលមានបទពិសោធន៍ខាងយោធា ។ ក្រោយមកលោកបានជិះឡានត្រឡប់ទៅព្រំដែនប៉ូឡូញវិញ ហើយរយៈពេលនៃការបម្រើការរបស់គាត់មានរយៈពេលត្រឹមតែ ៩ ម៉ោងប៉ុណ្ណោះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី បាញ់មីស៊ីលលឿនជាងសំឡេង កម្ទេចឃ្លាំងអាវុធ អ៊ុយក្រែន (មានវីដេអូ)