មីស៊ីលលឿនជាងសំឡេង រុស្ស៊ី សម្លាប់ទ័ពអ៊ុយក្រែន និងទាហានស៊ីឈ្នួល ជាង ១០០ នាក់ (មានវីដេអូ)

យោងតាមសេចក្តីថ្លែងការណ៍ផ្លូវការរបស់ក្រសួងការពារជាតិរុស្ស៊ីបានឲ្យដឹងថា កាំជ្រួចមីស៊ីលល្បឿនលឿនជាងសំឡេងដែលត្រូវបានប្រើដើម្បីវាយប្រហារមូលដ្ឋានអ៊ុយក្រែននៅទីក្រុង Ovruch ក្នុងតំបន់ Zhitomir បានសម្លាប់ទហានអ៊ុយក្រែន និងទាហានស៊ីឈ្នួលបរទេសជាង ១០០ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការពារជាតិរុស្ស៊ីលោក Igor Konashenkov បាននិយាយនៅថ្ងៃអាទិត្យនេះថា “មីស៊ីលល្បឿនលឿនជាងសំឡេងដែលបាញ់តាមអាកាសបានវាយប្រហារមជ្ឈមណ្ឌលហ្វឹកហ្វឺនសម្រាប់កងកម្លាំងប្រតិបត្តិការសម្ងាត់របស់យោធាអ៊ុយក្រែន ។

ទន្ទឹមនោះ មីស៊ីលក៏បានសម្លាប់ទាហានស៊ីឈ្នួលបរទេសដែលមានមូលដ្ឋាននៅជិតការតាំងទីលំនៅរបស់ទីក្រុង Ovruch ក្នុងតំបន់ Zhitomir” ។

ក្នុងពេលជាមួយគ្នានោះ លោក Konashenkov បានកត់សម្គាល់ថា យោធារុស្ស៊ីក៏បានកម្ចាត់មូលដ្ឋានប្រេងដ៏សំខាន់មួយរបស់អ៊ុយក្រែន និងឧបករណ៍យោធាមួយចំនួនធំផ្សេងទៀតផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Zelensky ព្រមានថា រុស្ស៊ី នឹងសង អ៊ុយក្រែន “គ្រប់ជំនាន់” ពេលចប់សង្គ្រាម

ចុចអាន ៖ ទាហានស៊ីឈ្នួល អង់គ្លេស ចេញពី អ៊ុយក្រែន ក្រោយបម្រើការបានត្រឹម ៩ ម៉ោង