លោក Zelensky និយាយថា រុស្ស៊ី កំពុងភ័យ ដោយសារតែបទសម្ភាសន៍របស់គាត់

ប្រធានាធិបតីអ៊ុយក្រែនលោក Volodymyr Zelensky បានប្រតិកម្មចំពោះការប៉ុនប៉ងរបស់រុស្ស៊ីក្នុងការត្រួតពិនិត្យបទសម្ភាសន៍របស់គាត់ ជាមួយអ្នកកាសែតឯករាជ្យរុស្ស៊ីដោយនិយាយថា ទីក្រុងមូស្គូមានការភ័យខ្លាចចំពោះអ្នកកាសែតដែល និយាយការពិត។

លោក Zelensky បាននិយាយនៅក្នុងសុន្ទរកថាវីដេអូថ្មីបំផុតរបស់គាត់កាលពីថ្ងៃអាទិត្យទី២៧ខែមីនាថា “ប្រជាជនដ៏រឹងមាំនៃប្រទេសដ៏រឹងមាំរបស់យើង ថ្ងៃនេះជាថ្ងៃដែលខ្ញុំជឿជាក់ម្តងហើយម្តងទៀតថា យើងនៅឆ្ងាយពីសហព័ន្ធរុស្ស៊ី”។

“សាកស្រមៃទៅមើល! នៅទីក្រុងមូស្គូ ពួកគេកំពុងភ័យខ្លាចដោយសារតែបទសម្ភាសន៍របស់ខ្ញុំជាមួយអ្នកកាសែតរុស្ស៊ី។ ជាមួយអ្នកដែលអាចនិយាយការពិត”។

លោក Zelensky និយាយថា “ពួកគេបានបំផ្លាញសេរីភាពនៃការបញ្ចេញមតិ នៅក្នុងរដ្ឋរបស់ពួកគេ និងកំពុងព្យាយាមបំផ្លាញរដ្ឋជិតខាង។ ពួកគេបង្ហាញខ្លួនឯងថាជាអ្នកលេងសកល។ ហើយពួកគេខ្លួនឯង ខ្លាចការសន្ទនាខ្លីជាមួយអ្នកសារព័ត៌មានជាច្រើន។ មែនហើយ ប្រសិនបើមានប្រតិកម្មបែបនេះ នោះយើងកំពុងធ្វើអ្វីគ្រប់យ៉ាងដែលត្រូវ។ មានន័យថា ពួកគេកំពុងភ័យ”។

គួរបញ្ជាក់ថា កិច្ចសម្ភាសន៍ជាវីដេអូដ៏វែង ដែលត្រូវបានបង្ហោះនៅលើឆានែល Telegram របស់លោក Zelensky បានបង្ហាញពីសំណួររបស់អ្នកសារព័ត៌មានឯករាជ្យដ៏លេចធ្លោមួយចំនួនរបស់រុស្ស៊ី រួមទាំងអ្នកនិពន្ធ Mikhail Zygar និង Tikhon Dzyadko ដែលជានិពន្ធនាយកនៃប៉ុស្តិ៍ TV Rain ទើបបិទនាពេលថ្មីៗនេះផងដែរ៕

ប្រែសម្រួល៖ Vann Vann

ប្រភព៖ CNN

ចុចអាន៖ រុស្ស៊ី បង្ខំចិត្ត ដកទ័ពចេញពីតំបន់ជាយក្រុង កៀវ បន្ទាប់ពីរងបរាជ័យធ្ងន់ធ្ងរ