លោក Putin ប្រាប់អ្នកការពារទីក្រុង Mariupol ឲ្យឈប់តស៊ូ និងទម្លាក់អាវុធចុះ (មានវីដេអូ)

ប្រធានាធិបតីរុស្ស៊ី លោក Vladimir Putin បាននិយាយនៅក្នុងការហៅទូរសព្ទកាលពីថ្ងៃអង្គារទី២៩ខែមីនា ជាមួយសមភាគីបារាំងលោក Emmanuel Macron ថា ប្រទេសរុស្ស៊ីទទូចឲ្យ ក្រុមសកម្មប្រយុទ្ធ ត្រូវតែដាក់អាវុធចុះនៅក្នុងទីក្រុង Mariupol ដែលកំពុងមានការប្រយុទ្ធគ្នា។

យោងតាមការបង្ហោះ Telegram របស់ក្រសួងការបរទេសរុស្ស៊ី, មេដឹកនាំទាំងពីរបានពិភាក្សាគ្នាអំពីការវិវត្តន៍បច្ចុប្បន្ន នៅក្នុងប្រទេសអ៊ុយក្រែន ដោយផ្តោតលើកិច្ចខិតខំប្រឹងប្រែងមនុស្សធម៌។

ទាក់ទងនឹងទីក្រុង Mariupol, លោក Putin បានសង្កត់ធ្ងន់ថា ដើម្បីដោះស្រាយស្ថានភាពមនុស្សធម៌ដ៏លំបាក ក្រុមសកម្មប្រយុទ្ធជាតិនិយមអ៊ុយក្រែន ត្រូវតែបញ្ឈប់ការតស៊ូ និងដាក់អាវុធរបស់ពួកគេចុះ។

ស្របពេលជាមួយគ្នានោះ មន្ត្រីម្នាក់មកពីការិយាល័យប្រធានាធិបតីបារាំងបាននិយាយថា លោក Macron បានលើកឡើងពីប្រធានបទ នៃការអនុវត្តបេសកកម្មមនុស្សធម៌នៅទីក្រុង Mariupol ប៉ុន្តែលក្ខខណ្ឌមិនទាន់ដាក់សម្រាប់ពេលនេះទេ។

លើសពីនេះទៀត មេដឹកនាំទាំងពីរ បានពិភាក្សាគ្នាអំពីការទូទាត់ប្រាក់ រូប សម្រាប់ការផ្គត់ផ្គង់ឧស្ម័នរបស់រុស្ស៊ីដល់សហភាពអឺរ៉ុប៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ចោទថា សង្គ្រាមកាន់តែធ្ងន់ធ្ងរទៅៗ ដោយសារលោកខាងលិច ផ្តល់អាវុធឲ្យ អ៊ុយក្រែន