លោក បៃដិន ប្រកាសបញ្ចេញប្រេងបម្រុង ១ លានបារ៉ែលក្នុងមួយថ្ងៃ រយៈពេល ៦ ខែ

ប្រធានាធិបតីអាមេរិកលោក ចូ បៃដិន បានប្រកាសបញ្ចេញប្រេងពីទុនបម្រុងជាប្រវត្តិសាស្ត្ររបស់សហរដ្ឋអាមេរិកដើម្បីជំរុញឲ្យតម្លៃប្រេងធ្លាក់ចុះ ខណៈដែលប្រជាជនអាមេរិកកំពុងជួបបញ្ហាជាមួយនឹងតម្លៃឧស្ម័នឡើងខ្ពស់ ។

បន្ថែមពីលើការប្រកាសបញ្ចេញប្រេង ១ លានបារ៉ែលក្នុងមួយថ្ងៃសម្រាប់រយៈពេល ៦ ខែ លោក បៃដិន ក៏កំពុងអំពាវនាវឲ្យសភាអនុម័តច្បាប់ដែលនឹងដាក់ទណ្ឌកម្មក្រុមហ៊ុនប្រេងដែលមិនប្រើប្រាស់ការជួលនៅលើទឹកដីរបស់ខ្លួន បន្ទាប់ពីនាយកប្រតិបត្តិប្រេងម្នាក់បាននិយាយថា ក្រុមហ៊ុនរបស់គាត់នឹងមិនបង្កើនផលិតកម្មទេ ទោះបីជាតម្លៃកើនឡើងប៉ុន្មានក៏ដោយ ។

សកម្មភាពរបស់លោក បៃដិន កើតឡើងនៅមុនការបោះឆ្នោតពាក់កណ្តាលអាណត្តិដ៏សំខាន់ក្នុងខែវិច្ឆិកាជាមួយប្រធានាធិបតី និងគណបក្សប្រជាធិបតេយ្យ បន្ទាប់ពីរងការឈឺចាប់ផ្នែកសេដ្ឋកិច្ចដែលកំពុងរងឥទ្ធិពលលើគ្រួសារអាមេរិកដោយការកើនឡើងអតិផរណា ។

ទន្ទឹមនោះ លោកប្រធានាធិបតីក៏បានព្យាយាមកំណត់តម្លៃឧស្ម័នផងដែរ បន្ទាប់ពីបានឡើងថ្លៃក្នុងកម្រិតខ្ពស់បំផុតកាលពីដើមខែមីនា ដោយសារតែសង្គ្រាមរបស់រុស្ស៊ីប្រឆាំងនឹងអ៊ុយក្រែន ក៏ដូចជាវិធានការអំពាវនាវដោយគណបក្សសាធារណរដ្ឋ និងគណបក្សប្រជាធិបតេយ្យដូចគ្នា ដើម្បីហាមឃាត់ឧស្ម័នរបស់រុស្ស៊ីជាការឆ្លើយតបលើការលុកលុយទៅលើអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ជំនួយយោធារបស់ អាមេរិក ដឹកទៅដល់ អ៊ុយក្រែន ហើយ