ព័ត៌មានអន្ដរជាតិ

ប្រទេសអឺរ៉ុប១០ព្រមទូទាត់ប្រាក់រូបិ៍លជាមួយរុស្ស៊ី តែមិនហ៊ាននិយាយសាធារណៈ

បានផុស

៤ years មុន

នៅ

ថ្ងៃចន្ទ ២ ឧសភា ២០២២

ដោយ

នៅពេលមេដឹកនាំប្រទេសអឺរ៉ុបជាច្រើនបានអះអាងជាសាធារណៈថា ពួកគាត់នឹងមិនទិញឧស្ម័នពីរុស្ស៊ីដោយការទូទាត់ជាប្រាក់រូបិ៍លតាមផែនការរបស់លោកប្រធានាធិបតី វ្លាឌីមៀរ ពូទីនឡើយ ប៉ុន្តែមានប្រទេសនៅអឺរ៉ុបចំនួន១០ហើយបានយល់ព្រមទិញតាមផែនការរបស់មេដឹកនាំរុស្ស៊ី។ នេះបើតាមការឲ្យដឹងពីមន្ត្រីរបស់ប្រទេសហុងគ្រី លោក Gergely Gulyas បាននិយាយកាលពីថ្ងៃអាទិត្យ។

លោក Gulyas បាននិយាយថា ប្រទេសហុងគ្រីបានបើកគណនីអឺរ៉ុបជាមួយធនាគារ Gazprombank របស់រុស្ស៊ីរួចហើយ ដែលបន្ទាប់មកអាចបំប្លែងការទូទាត់ជាប្រាក់រូបិ៍ល មុនពេលមុនពេលផ្ទេរប្រាក់ទៅអ្នកផ្គត់ផ្គង់នៅប្រទេសរុស្ស៊ី។ ប្រព័ន្ធនេះនឹងអនុញ្ញាតអ្នកទិញនៅអឺរ៉ុបដោះស្រាយជាមួយផែនការរបស់លោកប្រធានាធិបតី ពូទីន ដែលបានសម្រេចកាលពីខែមីនា ចំពោះប្រទេសសណាដែលចាត់ទុកជាអមិត្តត្រូវតែបង់ប្រាក់ជារូបិយប័ណ្ណជាតិរុស្ស៊ី សម្រាប់ការទិញឧស្ម័នរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«មានប្រទេស៩ផ្សេងទៀតកំពុងប្រើគម្រោងទូទាត់ដូចគ្នា ប៉ុន្តែថ្ងៃនេះ និយាយពីគំនិតជាអឺរ៉ុបល្អ ក៏មានន័យថា មេដឹកនាំប្រទេសអឺរ៉ុបទាំងនោះមិនហ៊ាននិយាយចេញជាអន្តរជាតិ ឬដល់ប្រជាជនរបស់ខ្លួនឡើយ ខណៈប្រទេស៩មិននិយាយថា ពួកគេកំពុងធ្វើរឿងដូចគ្នានោះដែរ»។ លោក Gulyas ប្រធានបុគ្គលិករបស់នាយករដ្ឋមន្ត្រីហុងគ្រី Viktor Orban បាននិយាយ។

លោកបន្តថា ៖«មិនគួរមានការងឿឆ្ងល់ក្នុងចិត្តរបស់នរណាម្នាក់ទេថា ប្រទេសកំពុងនាំចូលសម្ភារពីរុស្ស៊ី មែនទែនទៅក៏ប្រើយន្តការដូចគ្នានេះដែរដើម្បីធ្វើការទូទាត់ប្រាក់»។

វាមិនច្បាស់ទេថា តើប្រទេសអឺរ៉ុបណាខ្លះដែលលោក Guylas សំដៅទៅលើ។ ក្រុមហ៊ុនឧស្ម័នយក្សរបស់រុស្ស៊ីគឺ Gazprom បានបញ្ឈប់ការផ្គត់ផ្គង់ឧស្ម័នទៅប្រេទេសប៉ូឡូញ និងប៊ុលហ្គារី បន្ទាប់ពីប្រទេសទាំងពីរបានបដិសេធទូទាត់ជាប្រាក់រូបិ៍ល ប៉ុន្តែតាមការផ្សាយរបស់ Bloomberg កាលពីសប្តាហ៍មុនគឺដូចនឹងអ្វីដែលលោក Gulyas បាននិយាយគឺថា សមាជិកសហភាពអឺរ៉ុបចំនួន១០ហើយបានបើកគណនីជាមួយ Gazprombank ហើយមាន៤បានទូទាត់ជាប្រាក់រូបិ៍លដល់រុស្ស៊ីរួចហើយ៕

ប្រែសម្រួល៖ វីរបុត្រ
ប្រភព៖ RT

Related Topics:ប្រទេសរុស្ស៊ី