ព័ត៌មានអន្ដរជាតិ
ប្រពៃណីចម្លែក៖ ឪពុកម្តាយដោះដូរកូនស្រីជាមួយសត្វគោ
រឿងហេតុកាន់តែច្រើនឡើងៗដែលឪពុកម្តាយដោះដូរកូនស្រីរបស់ពួកគេជាមួយសត្វគោបានជំរុញឲ្យមានការបង្ខំរៀបអាពាហ៍ពិពាហ៍ទាំងវ័យកុមារនៅក្នុងប្រទេសស៊ូដង់ខាងត្បូង។
ប្រពៃណីនេះបានបង្កឲ្យមានគ្រោះថ្នាក់ហើយជំរុញឲ្យប្រធានរដ្ឋបាលក្នុងតំបន់ស្នើទៅរដ្ឋាភិបាលនៅរដ្ឋធានី Juba ឲ្យបង្កើតច្បាប់រឹងមាំដើម្បីហាមឃាត់ការអនុវត្តបែបនេះ។
ថ្លែងទៅកាន់ទីភ្នាក់ងារ Anadolu លោក James Konyi Korok ប្រធានរដ្ឋបាលតំបន់ Pibor បានពណ៌នាថា ស្ថានភាពនេះគួរឲ្យព្រួយបារម្ភណាស់។ លោកថា ឪពុកម្តាយកំពុងរៀបការកូនស្រីមិនទាន់គ្រប់អាយុរបស់ពួកគេដោយសារតែភាពក្រីក្រ។
លោក Korok បានឲ្យដឹងថា ឪពុកម្តាយបានដោះដូរកូនស្រីរបស់ពួកគេដើម្បីទទួលបានសត្វគោចំនួន៦០ក្បាលហើយបើក្មេងប្រុសពង្រត់គ្នាជាមួយក្មេងស្រី ក្រុមគ្រួសាររបស់ក្មេងប្រុសត្រូវឲ្យគោពី៨០ទៅ១០០ក្បាល។
ការអប់រំត្រូវបានគេទទួលស្គាល់ថាបានដើរតួនាទីដ៏សំខាន់ក្នុងរឿងនេះ។
ទោះបីជាយ៉ាងណាក៏ដោយ លោក James Kiir Wal ចៅហ្វាយក្រុង Malakal បាននិយាយថា ការរៀបអាពាហ៍ពិពាហ៍រវាងមនុស្សវ័យចំណាស់ជាមួយក្មេងស្រីបានបញ្ឈប់នៅកម្រិតមួយរួចទៅហើយប៉ុន្តែវានៅតែខ្លាំងក្លាក្នុងចំណោមយុវជនដែលចេញទៅរកក្មេងស្រីមិនទាន់គ្រប់អាយុ។
នៅប្រទេសស៊ូដង់ខាងត្បូង ៥២ភាគរយនៃក្មេងស្រីទាំងអស់បានរៀបការមុនពេលពួកគេមានអាយុ១៨ឆ្នាំនិងប្រហែល១ភាគ៣នៃក្មេងស្រីទាំងអស់មានផ្ទៃពោះមុនពេលឈានដល់អាយុ១៥ឆ្នាំ។
ស៊ូដង់ខាងត្បូងស្ថិតក្នុងចំណោមប្រទេសដែលមានការអនុវត្តវប្បធម៌និងសង្គមអយុត្តិធម៌បំផុតចំពោះយេនឌ័រ។
រដ្ឋមន្រ្តីក្រសួងយេនឌ័រ កុមារនិងសុខមាលភាពសង្គមលោកស្រី Ayaa Benjamin Warille បានអំពាវនាវឲ្យបង្កើតវិធីយុទ្ធសាស្ត្របន្ថែមទៀតដើម្បីបញ្ចប់ការអនុវត្តអាពាហ៍ពិពាហ៍របស់កុមារ។ លោកស្រីបន្តថា រដ្ឋាភិបាលប្តេជ្ញាបញ្ចប់អំពើអាក្រក់ក្នុងសង្គមនេះនៅត្រឹមឆ្នាំ២០៣០៕
ប្រែសម្រួលដោយ៖ Vann Vann
ប្រភព៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ