ព័ត៌មានអន្ដរជាតិ
អាមេរិក អាចផ្អាកការដឹកជញ្ជូនសព្វាវុធទៅ អ៊ុយក្រែន
មន្ទីរបញ្ចកោណបានព្រមានថា លំហូរនៃសព្វាវុធរបស់អាមេរិកទៅកាន់អ៊ុយក្រែន អាចនឹងត្រូវកាត់ផ្តាច់ យ៉ាងហោចណាស់ក៏ជាបណ្ដោះអាសន្នដែរ លុះត្រាតែសភាអនុម័តឆាប់រហ័សនូវកញ្ចប់ចំណាយថ្មីក្នុងទំហំទឹកប្រាក់ជិត៤០ពាន់លានដុល្លារ ដើម្បីជួយទីក្រុងកៀវ ទប់ទល់ការវាយលុករបស់រុស្ស៊ី។
អ្នកនាំពាក្យមន្ទីរបញ្ចកោណលោក John Kirby បានប្រាប់អ្នកសារព័ត៌មានកាលពីថ្ងៃសុក្រទី១៣ខែឧសភាថា “បើគ្មានចំណាត់ការបន្ថែមទេនោះ ថ្ងៃទី ១៩ខែឧសភា គឺជាថ្ងៃដែលយើងចាប់ផ្តើម លែងមានលទ្ធភាពបញ្ជូនវត្ថុថ្មីចូលទៀតហើយ។ ត្រឹមថ្ងៃទី១៩ខែឧសភា វានឹងចាប់ផ្តើមប៉ះពាល់ដល់សមត្ថភាពរបស់យើង ក្នុងការផ្តល់ជំនួយដោយមិនមានការរំខាន”។
ទោះបីជាយ៉ាងណាក៏ដោយ លោក Kirby និយាយថា ការដឹកជញ្ជូនអាវុធទៅកាន់ទីក្រុង កៀវ នឹងមិនបញ្ឈប់ភ្លាមៗនៅថ្ងៃទី២០ខែឧសភាទេ ទោះគ្មានមូលនិធិថ្មីក៏ដោយ ពីព្រោះយើងនឹងនៅតែមានការផ្គត់ផ្គង់មួយចំនួននៅក្នុងកញ្ចប់បម្រុងប្រហែល ១០០ លានដុល្លារ ដែលមន្ទីរបញ្ចកោណ នៅសល់សម្រាប់ជំនួយអ៊ុយក្រែន។
ប៉ុន្តែលោកបានបន្ថែមថា ដោយសារការបាត់បង់សមត្ថភាពរបស់ខ្លួនក្នុងប្រភពទំនិញថ្មី មន្ទីរបញ្ចកោណត្រូវប្រឈមមុខនឹង រយៈពេលរង់ចាំ ក្នុងការអនុម័តមូលនិធិថ្មី។
គួរបញ្ជាក់ថា កញ្ចប់ជំនួយអ៊ុយក្រែនចុងក្រោយបង្អស់របស់ទីក្រុងវ៉ាស៊ីនតោន ដែលមានតម្លៃ ៣៩.៨ ពាន់លានដុល្លារ ត្រូវបានអនុម័តដោយសភាកាលពីយប់ថ្ងៃអង្គារ ប៉ុន្តែព្រឹទ្ធសភាមិនបានផ្តល់ការយល់ព្រមចំពោះសំណើនេះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ ស្ថានទូតរុស្ស៊ី ឆ្លើយមួយសំណួរ ដែលពិភពលោក ចង់ដឹងបំផុត ពាក់ព័ន្ធលោក ពូទីន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ