ចាំទេ អ្នកគប់ស្បែកជើងលើលោក George W. Bush ជាប់ពន្ធនាគារ ប៉ុន្មានឆ្នាំ?

អ្នកកាសែតអ៊ីរ៉ាក់ម្នាក់ឈ្មោះ Muntadhar Al-Zaidi ត្រូវបានកាត់ទោសឲ្យជាប់ពន្ធនាគាររយៈពេល ៣ ឆ្នាំ បន្ទាប់ពីប្រើទង្វើមិននឹកស្មានដល់លើលោកប្រធានាធិបតីសហរដ្ឋអាមេរិក George W. Bush កាលពីឆ្នាំ ២០០៨ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១៤ ខែធ្នូ ឆ្នាំ ២០០៨ អ្នកកាសែតអ៊ីរ៉ាក់ Al-Zaidi បានគប់ស្បែកជើងទាំងពីររបស់គាត់ទៅកាន់លោក Bush ក្នុងអំឡុងពេលសន្និសីទសារព័ត៌មាននៅអ៊ីរ៉ាក់ ។

ទោះជាយ៉ាងណាលោក Bush បានគេចផុតពីការគប់ស្បែកជើងពីសំណាក់អ្នកកាសែតអ៊ីរ៉ាក់រូបនោះ ខណៈក្រោយមកលោក Al-Zaidi ត្រូវអ្នកយាមចាប់ និងអូសចេញពីបន្ទប់សន្និសីទនោះផងដែរ ។

ប៉ុន្តែការកាត់ទោសជាប់ពន្ធនាគាររយៈពេល ៣ ឆ្នាំរបស់អ្នកកាសែត Al-Zaidi ត្រូវបានកាត់បន្ថយមកត្រឹម ២ ឆ្នាំ ហើយរហូតដល់ថ្ងៃទី ១៥ ខែកញ្ញា ឆ្នាំ ២០០៩ បន្ទាប់ពីជាប់ឃុំអស់រយៈពេល ៩ ខែ លោក Al-Zaidi ត្រូវបានដោះលែងវិញ ដោយសារតែអ្នកកាសែតរូបនេះមិនមានកំណត់ត្រាឧក្រិដ្ឋកម្មពីមុនមក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ អាមេរិក ឈប់ថ្កោលទោស អ៊ីស្រាអែល ចំពោះការបាញ់សម្លាប់អ្នកកាសែត Al Jazeera