Connect with us

ព័ត៌មានអន្ដរជាតិ

ប្រទេស ២ នៅអាហ្វ្រិកប្រកាសមានអ្នកស្លាប់ ដោយសារជំងឺអុតស្វា

បានផុស

នៅ

អាជ្ញាធរសុខាភិបាលរបស់ប្រទេសកុងហ្គោបាននិយាយថា មនុស្សចំនួន ៩ នាក់បានស្លាប់ ដោយសារជំងឺអុតស្វាដែលកំពុងផ្ទុះឡើងក្នុងប្រទេសនៅឆ្នាំ ២០២២ នេះ ស្របពេលដែលនីហ្សេរីយ៉ាក៏បានកត់ត្រាការស្លាប់លើកដំបូងរបស់ខ្លួន ដោយសារជំងឺនេះនៅឆ្នាំនេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Aime Alongo ប្រធានផ្នែកសុខភាពទីក្រុង Sankuru ក្នុងប្រទេសកុងហ្គោបាននិយាយថា ករណីជំងឺអុតស្វាចំនួន ៤៦៥ ករណីក៏ត្រូវបានបញ្ជាក់នៅក្នុងប្រទេសផងដែរ ដែលធ្វើឲ្យវាក្លាយជាជំងឺរាតត្បាតដ៏អាក្រក់បំផុតមួយទៀតនៅអាហ្រ្វិកខាងលិច និងកណ្តាល ។

ចំណែកទីភ្នាក់ងារគ្រប់គ្រងជំងឺរបស់នីហ្សេរីយ៉ាបាននិយាយថា អ្នកស្លាប់លើកដំបូង ដោយសារជំងឺអុតស្វាក្នុងប្រទេសនីហ្សេរីយ៉ានៅឆ្នាំនេះ គឺកើតឡើងលើអ្នកជំងឺវ័យ ៤០ ឆ្នាំដែលមានស្ថានភាពសុខភាពពីកំណើត និងកំពុងប្រើថ្នាំការពារភាពស៊ាំ ។

ទន្ទឹមនោះមជ្ឈមណ្ឌលគ្រប់គ្រង និងបង្ការជំងឺនីហ្សេរីយ៉ាបានប្រកាសថា នៅឆ្នាំ ២០២២ នេះ ពួកគេបានបញ្ជាក់ពីករណីសង្ស័យជំងឺអុតស្វាចំនួន ២១ ករណីក្នុងចំណោម ៦៦ ករណី ដែលជាទូទៅតែងកើតមាននៅក្នុងប្រទេសនីហ្សេរីយ៉ា និងផ្នែកផ្សេងទៀតនៃអាហ្វ្រិកខាងលិច និងកណ្តាល ។

ប្រទេសនីហ្សេរីយ៉ាមិនមានការផ្ទុះឡើងនៃជំងឺអុតស្វា ចាប់តាំងពីខែកញ្ញា ឆ្នាំ ២០១៧ មក ប៉ុន្តែប្រទេសនេះនៅតែបន្តរាយការណ៍ករណីជាបន្តបន្ទាប់ ខណៈទីភ្នាក់ងារគ្រប់គ្រងជំងឺបាននិយាយថា យ៉ាងហោចណាស់ ២៤៧ ករណីត្រូវបានបញ្ជាក់នៅក្នុងរដ្ឋចំនួន ២២ ក្នុងចំណោមរដ្ឋចំនួន ៣៦ របស់ខ្លួន ហើយចាប់តាំងពីពេលនោះមកមានអត្រាមរណភាព ៣.៦ ភាគរយ ។

រហូតមកដល់ពេលនេះ ការរីករាលដាលនៃករណីជំងឺអុតស្វាដែលកំពុងត្រូវបានរាយការណ៍នៅក្នុងទ្វីបអឺរ៉ុប និងសហរដ្ឋអាមេរិក បានបង្កើតឲ្យមានការព្រួយបារម្ភយ៉ាងខ្លាំងក្នុងចំណោមប្រទេសទាំងនោះ ខណៈអង្គការសុខភាពពិភពលោក (WHO) បាននិយាយថា ករណីជាង ២៥០ នៃជំងឺអុតស្វាត្រូវបានរាយការណ៍នៅក្នុងប្រទេសមិនមានប្រវត្តិផ្ទុះជំងឺជាង ២០ ហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Sabah

ចុចអាន ៖ ប្រទេសជាប់ កម្ពុជា រកឃើញករណីជំងឺអុតស្វាលើកដំបូង លើអ្នកដំណើរ ឆ្លងកាត់ប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម