លោក ពូទីន៖ កងកម្លាំងប្រឆាំងយន្តហោះរុស្ស៊ី កម្ទេចអាវុធសត្រូវ ដូចបំបែកសណ្តែកដី

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយនៅក្នុងបទសម្ភាសន៍ខ្លីមួយ ដែលត្រូវបានចាក់ផ្សាយកាលពីថ្ងៃសៅរ៍ទី៤ខែមិថុនាថា កងកម្លាំងប្រឆាំងយន្តហោះរុស្ស៊ី បានបាញ់ទម្លាក់អាវុធអ៊ុយក្រែន ហើយកម្ទេចអាវុធទាំងនោះដូច “បំបែកសណ្តែកដី”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មាន RIA បានដកស្រង់សម្តីលោក ពូទីន នៅពេលលោកឆ្លើយតបនឹងសំណួរអំពីអាវុធដែលផ្គត់ផ្គង់ដោយសហរដ្ឋអាមេរិក ដោយលោកនិយាយថា រុស្ស៊ីកំពុងដោះស្រាយយ៉ាងងាយស្រួល ហើយបានបំផ្លាញអាវុធអស់រាប់សិប រួចទៅហើយ។

ប៉ុន្តែឃ្លីបនៃបទសម្ភាសន៍ដែលត្រូវចាក់ផ្សាយនៅថ្ងៃអាទិត្យនេះ បានបញ្ជាក់យ៉ាងច្បាស់ថា តាមពិតលោក ពូទីន បានឆ្លើយតបទៅនឹងសំណួរផ្សេង។

លោក ពូទីន និយាយថា “ប្រព័ន្ធប្រឆាំងយន្តហោះរបស់យើងកំពុងកម្ទេចពួកគេ ដូចជាសណ្តែកដី។ អាវុធរាប់សិបត្រូវបានបំផ្លាញ”។

ទោះបីជាប្រភេទនៃអាវុធនេះ មិនត្រូវបានបង្ហាញច្បាស់លាស់ក៏ដោយ ប៉ុន្តែរុស្ស៊ីនិយាយថា ខ្លួនបានបំផ្លាញទាំងយន្តហោះ និងកាំជ្រួចដែលដាក់ពង្រាយដោយអ៊ុយក្រែន៕

ប្រែសម្រួល៖​ Vann Vann

ប្រភព៖ Yahoo

ចុចអាន៖ អ៊ុយក្រែន ផ្ទុះកំហឹង ក្រោយលោក Macron និយាយថា កុំធ្វើឲ្យរុស្ស៊ីអាម៉ាស់មុខ