ព័ត៌មានអន្ដរជាតិ
លោក ពូទីន ព្រមាន អ៊ុយក្រែន ខ្លាំងៗ ជុំវិញអាវុធរយៈចម្ងាយឆ្ងាយរបស់បស្ចិមប្រទេស (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា ប្រទេសរុស្ស៊ី នឹងពង្រីកបញ្ជីគោលដៅ ដែលខ្លួននឹងវាយប្រហារក្នុងប្រទេសអ៊ុយក្រែន ប្រសិនបើលោកខាងលិច បញ្ជូនអាវុធបាញ់បានរយៈចម្ងាយឆ្ងាយទៅឲ្យទីក្រុង កៀវ។
ការព្រមាននេះបានកើតឡើង ខណៈការផ្ទុះបានអង្រួនផ្នែកនានានៃទីក្រុងកៀវ កាលពីថ្ងៃអាទិត្យទី០៥ខែមិថុនា ក្នុងការវាយប្រហារពីអាកាសលើកដំបូង លើរដ្ឋធានីនារយៈពេលប៉ុន្មានសប្តាហ៍ចុងក្រោយនេះ។
នៅក្នុងបទសម្ភាសន៍ជាមួយទូរទស្សន៍រដ្ឋរុស្ស៊ីកាលពីថ្ងៃអាទិត្យ លោក ពូទីន បាននិយាយថា “តាមគំនិតរបស់ខ្ញុំ ការផ្គត់ផ្គង់អាវុធបន្ថែមនេះ មានគោលដៅតែមួយគត់ គឺដើម្បីអូសបន្លាយជម្លោះប្រដាប់អាវុធឲ្យបានយូរ តាមដែលអាចធ្វើទៅបាន។ អ្វីដែលអាមេរិកកំពុងផ្គត់ផ្គង់គឺ គ្មានអ្វីថ្មីទេ”។
ប៉ុន្តែលោកបានព្រមានប្រឆាំងនឹងការបញ្ជូនមីស៊ីលរយៈចម្ងាយឆ្ងាយ។ លោកអះអាងថា “ប្រសិនបើពួកគេត្រូវបានផ្គត់ផ្គង់ យើងនឹងធ្វើការសន្និដ្ឋានសមស្របពីបញ្ហានេះ ហើយប្រើប្រាស់អាវុធរបស់យើង ដែលយើងមានគ្រប់គ្រាន់ ដើម្បីវាយប្រហារទៅលើគោលដៅដែលយើងមិនទាន់វាយប្រហារនៅឡើយ”។
គួរបញ្ជាក់ថា រុស្ស៊ីបានផ្តោតការប្រយុទ្ធរបស់ខ្លួនឡើងវិញលើតំបន់ Donbas នៅចុងខែមីនា ក្រោយដកថយពីតំបន់ កៀវ។
ទោះការលុកលុយរបស់រុស្ស៊ីមានភាពយឺតយ៉ាវក៏ដោយ ប្រទេសជាច្រើនបានសន្យាថានឹងបញ្ជូនអាវុធទំនើបៗទៅកាន់ទីក្រុងកៀវ។
ថ្មីៗនេះ សហរដ្ឋអាមេរិកបានប្រកាសថា ខ្លួននឹងបញ្ជូនប្រព័ន្ធរ៉ុកកែត M142 High Mobility Artillery Rocket System (HIMARS) ដែលអាចវាយប្រហារគោលដៅបានចម្ងាយ៧០គីឡូម៉ែត្រ និងបាញ់បានឆ្ងាយជាងកាំភ្លើងធំដែលអ៊ុយក្រែនមាននាពេលបច្ចុប្បន្ន។
សេតវិមានក៏បានយល់ព្រមបញ្ជូនកញ្ចប់យោធា ដែលរួមមានដូចជាឧទ្ធម្ភាគចក្រ អាវុធប្រឆាំងរថក្រោះ រថយន្តយុទ្ធសាស្ត្រ និងគ្រឿងបន្លាស់ផងដែរ។
ដោយឡែក ប្រទេសអាល្លឺម៉ង់ ក៏បានសន្យាថានឹងបញ្ជូនប្រព័ន្ធការពារដែនអាកាសស៊េរីទំនើបបំផុតរបស់ខ្លួនគឺ Iris-T ដើម្បីឲ្យអ៊ុយក្រែនអាចការពារទីក្រុងទាំងមូលពីការវាយប្រហារ អាកាសរបស់រុស្ស៊ីផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ អ៊ុយក្រែន ថា សង្គ្រាមនឹងចប់នៅចុងឆ្នាំនេះ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល