ព័ត៌មានអន្ដរជាតិ

អ៊ុយក្រែន ថា សង្គ្រាមនឹងចប់នៅចុងឆ្នាំនេះ (មានវីដេអូ)

បានផុស

២ years មុន

នៅ

ថ្ងៃអាទិត្យ ៥ មិថុនា ២០២២

ដោយ

រដ្ឋមន្ត្រីការពារជាតិអ៊ុយក្រែន បាននិយាយកាលពីថ្ងៃសៅរ៍ទី០៤ខែមិថុនាថា វាអាចទៅរួចដែលសង្គ្រាមជាមួយរុស្ស៊ី អាចនឹងបញ្ចប់នៅចុងឆ្នាំនេះ។

លោក Oleksiy Reznikov បាននិយាយបែបនេះ ក្នុងវេទិកាសន្តិសុខអន្តរជាតិ ពោលត្រឹមតែប៉ុន្មានម៉ោងប៉ុណ្ណោះ បន្ទាប់ពីសង្រ្គាមរុស្ស៊ី-អ៊ុយក្រែន បានឈានចូលដល់ថ្ងៃទី ១០០។

លោកនិយាយថា “រុស្ស៊ីបន្តប្រឹងប្រែងដើម្បីកាន់កាប់រដ្ឋទាំងមូលរបស់យើង។ បច្ចុប្បន្នវាមិនអាចទៅរួចទេ ក្នុងការទស្សន៍ទាយថាតើពេលណាសង្រ្គាមនឹងបញ្ចប់ ប៉ុន្តែការព្យាករណ៍សុទិដ្ឋិនិយមរបស់ខ្ញុំគឺថា វានឹងអាចបញ្ចប់នៅត្រឹមឆ្នាំនេះ”។

រដ្ឋមន្ត្រីការពារជាតិអ៊ុយក្រែនលោក Oleksiy Reznikov

ប៉ុន្តែលោកបានព្រមានថា ដរាបណាកងទ័ពរុស្ស៊ី មិនត្រូវបានបណ្តេញចេញពីអ៊ុយក្រែនទេនោះ ប្រទេសផ្សេងទៀតក៏ប្រឈមនឹងហានិភ័យផងដែរ។ លោកបន្តថា “រឿងបន្ទាប់នឹងកើតមាននៅប៉ូឡូញ បណ្តាប្រទេសនៅតំបន់បាល់ទិក ស្លូវ៉ាគី និងប្រទេសផ្សេងទៀត”។

នោះហើយជាមូលហេតុ ដែលយើងត្រូវតែបញ្ឈប់រុស្ស៊ី និងរារាំងពួកគេ នៅពេលអនាគត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ លោក ពូទីន៖ កងកម្លាំងប្រឆាំងយន្តហោះរុស្ស៊ី កម្ទេចអាវុធសត្រូវ ដូចបំបែកសណ្តែកដី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត