ព័ត៌មានអន្ដរជាតិ
ចិនបញ្ចូននាវាដឹកយន្តហោះ ទៅសមុទ្រចិនខាងត្បូង
កងទ័ពជើងទឹកចិនបាននិយាយនៅថ្ងៃច័ន្ទ ទី២១ ខែធ្នូ នេះថា ក្រុមនាវាដឹកយន្តហោះដឹកនាំដោយនាវាដឹកយន្តហោះថ្មីបំផុតរបស់ចិនដែលមានឈ្មោះថា Shandong បានធ្វើដំណើរតាមច្រកសមុទ្រតៃវ៉ាន់ទៅធ្វើសមយុទ្ធតាមធម្មតានៅសមុទ្រចិនខាងត្បូង បន្ទាប់ពីកោះតៃវ៉ាន់បានកេណ្ឌកម្លាំងរបស់ខ្លួនដើម្បីឃ្លាំមើលដំណើរនេះ ។
វាមិនមែនជាលើកទីមួយដែលនាវាដឹកយន្តហោះរបស់ចិនបានឆ្លងកាត់ជិតកោះតៃវ៉ាន់នោះទេ វាកើតឡើងនៅពេលមានភាពតានតឹងកាន់តែខ្លាំងឡើងរវាងក្រុងតៃប៉ិ និងប៉េកាំងដែលអះអាងថាកោះដែលគ្រប់គ្រងដោយប្រជាធិបតេយ្យជាទឹកដីរបស់ខ្លួន ។
ក្រុមនាវា Shandong បានធ្វើដំណើរតាមច្រកសមុទ្រតៃវ៉ាន់មួយថ្ងៃ បន្ទាប់ពីនាវាចម្បាំងអាមេរិកបានឆ្លងកាត់ផ្លូវទឹកដូចគ្នានេះ ។
កងនាវាចរចិនបាននិយាយថា នាវា Shandong និងនាវាអមរបស់ខ្លួនបានឆ្លងកាត់ច្រកសមុទ្រតៃវ៉ាន់ដ៏រសើប និងតូចចង្អៀតកាលពីថ្ងៃអាទិត្យដោយឆ្ពោះទៅកាន់សមយុទ្ធនៅសមុទ្រចិនខាងត្បូងដែលចិនទទួលបានទឹកដីយ៉ាងទូលំទូលាយ និងមានជម្លោះ ។
កងនាវាចរចិនបាននិយាយទៀតថា “ការធ្វើសមយុទ្ធនេះគឺជាផ្នែកមួយនៃការរៀបចំតាមធម្មតាដែលធ្វើឡើងស្របតាមផែនការប្រចាំឆ្នាំ ។ នៅពេលអនាគតយើងនឹងបន្តរៀបចំប្រតិបត្តិការស្រដៀងគ្នានេះដោយផ្អែកលើតម្រូវការបណ្តុះបណ្តាល” ។
ទន្ទឹមនោះក្រសួងការពារជាតិតៃវ៉ាន់បាននិយាយថា នាវា Shandong ត្រូវបានអមដំណើរដោយនាវាចម្បាំងចំនួន ៤ គ្រឿង ហើយបានចេញដំណើរពីកំពង់ផែទីក្រុង Dalian ភាគខាងជើងប្រទេសចិនកាលពីថ្ងៃព្រហស្បតិ៍ ។ ក្រោយមកតៃវ៉ាន់ក៏បានបញ្ជូននាវាចម្បាំង ៦ គ្រឿង និងយន្តហោះចម្បាំង ៨ គ្រឿងដើម្បីល្បាត និងតាមដានចលនារបស់នាវាចិន ។
នាវា Shandong គឺជានាវាដឹកយន្តហោះទី ២ របស់ប្រទេសចិន ហើយត្រូវបានដាក់ឲ្យដំណើរការជាផ្លូវការស្ទើរតែមួយឆ្នាំកន្លងមកហើយ ។
កងទ័ពជើងទឹកចិនបាននិយាយថា ចាប់តាំងពីពេលនោះមកខ្លួនបានបញ្ចប់ភារកិច្ចដោយជោគជ័យដូចជានាវាផ្ទុកយន្ដហោះសម្រាប់ការចុះចត និងហោះឡើង និងប្រើប្រាស់អាវុធរបស់ខ្លួនជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ជំនន់ទឹកភ្លៀងនៅហ្វីលីពីនសម្លាប់មនុស្ស ៨ នាក់ និងរាប់ពាន់នាក់ជម្លៀសចេញពីផ្ទះ
ចុចអាន ៖ យប់នេះមានបាតុភូតមហាកម្រមួយដែលមិនធ្លាប់កើតឡើងសោះរយ:ពេលជិត ៤០០ ឆ្នាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ