ព័ត៌មានអន្ដរជាតិ

ថ្ងៃច័ន្ទនេះ ថៃបន្តរកឃើញអ្នកឆ្លងកូវីដថ្មី ៣៨២នាក់

បានផុស

៣ years មុន

នៅ

ថ្ងៃចន្ទ ២១ ធ្នូ ២០២០

ដោយ

ត្រឹមព្រឹកថ្ងៃច័ន្ទនេះ ថៃបន្តរកឃើញអ្នកឆ្លងកូវីដ ១៩ ថ្មី សរុប ៣៨២នាក់បន្ថែមទៀត ដោយក្នុងនោះមាន ៣៦០នាក់ ជាពលករចំណាកស្រុកមកពីប្រទេសភូមា និងមានទំនាក់ទំនងជាមួយករណីផ្ទុះរាតត្បាតក្នុងផ្សារគ្រឿងសមុទ្រមួយកន្លែងនៅក្នុងខេត្ត Samut Sakhon ដែលជាប់ក្រុងបាងកកតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំនួនអ្នកឆ្លងកូវីដយ៉ាងច្រើនសន្ធឹកសន្ធាប់នៅពេលនេះ គឺបន្តកើតចេញពីករណីផ្ទុះរាតត្បាតយ៉ាងខ្លាំងកាលពីថ្ងៃអាទិត្យ ដែលមានមនុស្សសរុប ៥៧៦នាក់ រកឃើញវិជ្ជមានជំងឺកូវីដ ១៩។

អ្នកនាំពាក្យមជ្ឈមណ្ឌលរដ្ឋបាលជំងឺកូវីដ ១៩ របស់ថៃ លោក Taweesilp Visanuyothin បានអះអាងថា ករណីថ្មីជិត ៤០០នាក់ សុទ្ធតែមានពាក់ព័ន្ធនឹងផ្សារលក់បង្គារដ៏ធំមួយក្នុងស្រុក tambon Mahachai ខណៈតួលេខឆ្លងត្រូវគេរំពឹងនឹងកើនឡើងកាន់តែច្រើនបន្ថែមទៀត ស្របពេលពលរដ្ឋជាច្រើនកំពុងត្រូវគេធ្វើតេស្តជាបន្តបន្ទាប់ចាប់តាំងពីរាត្រីថ្ងៃអាទិត្យម្សិលមិញ។

គិតត្រឹមថ្ងៃច័ន្ទនេះ ចំនួនអ្នកឆ្លងកូវីដ ១៩ ក្នុងប្រទេសថៃ បានកើនដល់ ៥២៨៩នាក់ ក្នុងនោះស្លាប់ ៦០នាក់៕

ប្រែសម្រួល៖ សុភា
ប្រភព៖ Bangkok Post

Related Topics:ប្រទេសថៃ