អាមេរិកត្រៀមដាក់សាច់ពស់ថ្លាន់ក្នុងមីនុយមុខម្ហូបតាមភោជនីយដ្ឋាន

ក្រុមមន្ត្រីនៅរដ្ឋផ្លរីដា សហរដ្ឋអាមេរិក កំពុងសំឡឹងមើលការប្រែក្លាយវិបត្តិសត្វពស់ទៅជាដំណោះស្រាយចំណីអាហារដើម្បីការពារសត្វព្រៃដទៃទៀតដែលកំពុងរងការគំរាមកំហែងដោយពស់ថ្លាន់នៅឧទ្យានជាតិ Everglades ។

ការរំពឹងនេះកើតឡើងស្របពេលដែលអាហារពេលល្ងាចភាគច្រើនជាការបញ្ជាទិញជាសាច់ពស់ ខណៈអាជ្ញាធរមូលដ្ឋានក៏កំពុងស៊ើបអង្កេតថាតើពស់ថ្លាន់អាចត្រូវបានប្រើជាប្រភពអាហារថ្មីដើម្បីជួយដល់ការអភិរក្សធម្មជាតិដែរឬក៏យ៉ាងណា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសហរដ្ឋអាមេរិក គណៈកម្មការអភិរក្សសត្វព្រៃ និងនាយកដ្ឋានផ្នែកសុខាភិបាលរដ្ឋផ្លរីដាកំពុងធ្វើការសិក្សាលើសុវត្ថិភាពសាច់ពស់ដើម្បីបង្កើតបទពិសោធន៍បរិភោគអាហារថ្មីសម្រាប់អ្នកដែលចូលចិត្តអាហារ ។

ហើយគំនិតនៃការបញ្ជាទិញពស់នៅភោជនីយដ្ឋាន ឬការចំអិនសត្វល្មូននៅផ្ទះក៏ជាការជួយដល់បរិស្ថានផងដែរ ដោយសារតែចំនួនសត្វពស់នៅក្នុងរដ្ឋអាមេរិកត្រូវបានគេនិយាយថាមិនអាចគ្រប់គ្រងបាន ហើយបង្កហានិភ័យដល់សត្វព្រៃដទៃទៀតនៅក្នុងតំបន់ ។

ចំណែករឿងតែមួយគត់ដែលរារាំងការយល់ព្រមរបស់រដ្ឋាភិបាលគឺថាសត្វពស់ថ្លាន់មានផ្ទុកជាតិបារតច្រើនពេកនៅក្នុងសាច់របស់វា ហើយត្រូវបានគេចាត់ទុកថាមិនមានសុវត្ថិភាពសម្រាប់មនុស្សក្នុងការញ៉ាំ ខណៈក្រុមអ្នកវិទ្យាសាស្ត្រនឹងធ្វើតេស្តពស់ថ្លាន់ចំនួន ៦,០០០ ក្បាលដើម្បីវាយតម្លៃហានិភ័យ ។

សាច់ពស់ថ្លាន់ត្រូវបានគេចាត់ទុកថាជាអាហារឆ្ងាញ់នៅក្នុងតំបន់មួយចំនួនដោយមានតម្លៃរហូតដល់ទៅ ៥០ ដុល្លារក្នុងមួយគីឡូនៃសាច់ពស់ ។

ទោះយ៉ាងណាការសិក្សាមួយក្នុងឆ្នាំ ២០០៩ បានរកឃើញថាសត្វពស់ថ្លាន់មកពីតំបន់ឧទ្យានជាតិ Everglades នៃរដ្ឋផ្លរីដាដែលជាតំបន់ដីសើមមានចំនួនបារតលើស ៣ ដងនៃកម្រិតបារតរបស់សត្វក្រពើ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ ផ្សារ​មួយ​កន្លែង​ក្នុង​ខេត្ត​សាមុត​សា​ខន ត្រូវ​បាន​ព័ទ្ធ​លួស​បន្លា ដើម្បី​បង្ខាំង​មនុស្ស​ទប់ស្កាត់​ការ​រីក​រាល​ដាល​កូ​វីដ​-១៩

ចុចអាន ៖ ថៃ ហាមពលករចំណាកស្រុកចេញពីកន្លែងមានហានិភ័យខ្ពស់ អ្នកល្មើសត្រូវមានទោស