ព័ត៌មានអន្ដរជាតិ
អាមេរិកជំរុញឲ្យ Apple និង Google ដក TikTok ចេញពី App Store
សមាជិកម្នាក់នៃគណៈកម្មការទំនាក់ទំនងសហព័ន្ធអាមេរិក (FCC) បានអំពាវនាវឲ្យ Apple និង Google ដកកម្មវិធី TikTok ចេញពី App Store របស់ពួកគេ ដោយលោកបានប្រដូចវេទិកាបណ្តាញទំនាក់ទំនងសង្គមកម្សាន្តនេះ ទៅនឹង ឆ្កែចចក ពាក់ស្បែក ចៀម។
កាលពីដើមសប្តាហ៍ តំណាងរាស្រ្តមកពីគណបក្សសាធារណរដ្ឋ លោក Brendan Carr ដែលជាសមាជិកជាន់ខ្ពស់ FCC បានព្រាងលិខិតបើកចំហមួយ ទៅកាន់នាយកប្រតិបត្តិក្រុមហ៊ុន Apple លោក Tim Cook និងនាយកប្រតិបត្តិក្រុមហ៊ុន Google លោក Sundar Pichai។
នៅក្នុងលិខិតនោះ លោកបានអំពាវនាវឲ្យក្រុមហ៊ុនទាំង២ ហាមឃាត់ TikTok ពី App Store ព្រោះវាកំពុងប្រមូលទិន្នន័យរសើបយ៉ាងច្រើន ពីអ្នកប្រើប្រាស់អាមេរិក។
លិខិតរបស់លោក Carr សំដៅលើរបាយការណ៍ BuzzFeed នាពេលថ្មីៗដែលថា បុគ្គលិក TikTok នៅក្នុងប្រទេសចិន ត្រូវបានចោទប្រកាន់ថាមានសិទ្ធិចូលមើលទិន្នន័យរបស់អ្នកប្រើប្រាស់នៅសហរដ្ឋអាមេរិកយ៉ាងស៊ីជម្រៅ។
របាយការណ៍នោះ បានដកស្រង់សម្តីបុគ្គលិក TikTok ចំនួនប្រាំបួននាក់ផ្សេងគ្នា ដែលនិយាយថា វិស្វករចិន មានសិទ្ធិចូលមើលទិន្នន័យឯកជនរបស់អ្នកប្រើប្រាស់អាមេរិក។
នៅក្នុង Twitter ដែលបានបង្ហោះកាលពីថ្ងៃអង្គារ លោក Carr និយាយថា មុខងារវីដេអូរបស់ TikTok គឺគ្រាន់តែជា “ស្បែកចៀម” របស់កម្មវិធីប៉ុណ្ណោះ។ ដោយលើកឡើងពីរបាយការណ៍របស់ BuzzFeed លោក Carr និយាយថា TikTok បានប្រមូលអ្វីគ្រប់យ៉ាងពីការស្វែងរក និងប្រវត្តិរុករក រហូតដល់ការចុច Keyboard ឧបករណ៍កំណត់អត្តសញ្ញាណជីវមាត្រ រួមទាំងមុខ និងសំឡេង។
គួរបញ្ជាក់ថា នេះមិនមែនជាលើកទីមួយទេដែល TikTok ជួបការលំបាកក្នុងទីផ្សារសហរដ្ឋអាមេរិក ដោយសារក្តីព្រួយបារម្ភទាក់ទងនឹងសន្តិសុខជាតិ។ កាលពីឆ្នាំ២០២០ ប្រធានាធិបតីអាមេរិក លោក Donald Trump បានចុះហត្ថលេខាលើច្បាប់ប្រតិបត្តិមួយ ដែលតម្រូវឲ្យក្រុមហ៊ុន ByteDance ដកខ្លួនចេញពី TikTok ប្រសិនបើចង់បន្តប្រតិបត្តិការនៅសហរដ្ឋអាមេរិក៕
ប្រែសម្រួល៖ សន្យា
ប្រភព៖ Vietnam Insider
ចុចអាន៖ Khaby Lame វ៉ាដាច់ Charli D’Amelio ក្លាយជាតារា TikTok មានអ្នកតាមដានច្រើនជាងគេលើលោក
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន