Putin ថាឲ្យលោក Boris Johnson “កុំដោះអាវអី អាក្រក់មើលណាស់” ហើយឲ្យមេដឹកនាំ G7 ហាត់ប្រាណផង (មានវីដេអូ)

ប្រធានាធិបតីរុស្ស៊ីលោក Vladimir Putin បានឌឺដងទៅមេដឹកនាំលោកខាងលិចវិញដែលចំអកការហាត់កីឡារបស់គាត់ និងបានផ្លែផ្កាទៅនាយករដ្ឋមន្ត្រីអង់គ្លេសលោក Boris Johnson ថា “បើលោកដោះអាវ មើលទៅគួរឲ្យខ្ពើមណាស់” ហើយលោក ពូទីន ក៏បានប្រាប់ឲ្យមេដឹកនាំក្រុមប្រទេស G7 ទាំងអស់ហាត់ប្រាណ និងលេងកីឡាផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បានធ្វើអត្ថាធិប្បាយបែបនេះ ក្នុងអំឡុងពេលដំណើរទស្សនកិច្ចទៅកាន់ប្រទេសតួកមេនីស្ថានកាលពីថ្ងៃព្រហស្បតិ៍ និងនៅពេលត្រូវបានសួរអំពីមេដឹកនាំលោកខាងលិចដែលនិយាយលេងសើចអំពីគាត់នៅឯកិច្ចប្រជុំកំពូល G7 ។

ទន្ទឹមនោះការឆ្លើយតបរបស់លោក ពូទីន កើតឡើង នៅពេលដែលលោក Boris Johnson បានសើចចំអកថា មេដឹកនាំ G7 អាចដោះសំលៀកបំពាក់របស់ពួកគេចេញដើម្បីបង្ហាញសាច់ដុំល្អជាង ពូទីន ចំពេលមានភាពតានតឹងរុស្ស៊ី និងលោកខាងលិចជុំវិញសកម្មភាពយោធារបស់ទីក្រុងមូស្គូនៅអ៊ុយក្រែន ។

ចំណែកនាយករដ្ឋមន្ត្រីកាណាដាលោក Justin Trudeau ក៏បាននិយាយលេងសើចដែរថា មេដឹកនាំលោកខាងលិចអាចប្រៀបធៀបរូបភាពដោះអាវរបស់ពួកគេទៅនឹងរូបភាពដោះអាវរបស់លោក ពូទីន ជិះលើខ្នងសេះរបស់គាត់ ។

ថ្លែងទៅកាន់អ្នកសារព័ត៌មានពាក់ព័ន្ធនឹងបញ្ហានេះ លោក ពូទីន បានតបវិញយ៉ាងឆ្ងាញ់ថា មិនដូចលោក Trudeau ទេ មេដឹកនាំលោកខាងលិចបានផឹកគ្រឿងស្រវឹង ហើយមិនបានហាត់ប្រាណ ឬលេងកីឡាអ្វីឡើយ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Mirror

ចុចអាន ៖ មេដឹកនាំ ឥណ្ឌូណេស៊ី ជួបលោក Zelensky នៅទីក្រុងកៀវ ត្រៀមនាំសារសន្តិភាពទៅ Putin