ព័ត៌មានអន្ដរជាតិ
មេដឹកនាំ ឥណ្ឌូណេស៊ី ជួបលោក Zelensky នៅទីក្រុងកៀវ ត្រៀមនាំសារសន្តិភាពទៅ Putin
ប្រធានាធិបតីឥណ្ឌូណេស៊ីលោក Joko Widodo បានធ្វើដំណើរទៅដល់ប្រទេសអ៊ុយក្រែនហើយដើម្បីជួបជាមួយប្រធានាធិបតី Volodymyr Zelensky ខណៈលោកជាមេដឹកនាំអាស៊ីដំបូងគេដែលធ្វើទស្សនកិច្ចនៅអ៊ុយក្រែន ចាប់តាំងពីសង្គ្រាមលុកលុយរបស់រុស្ស៊ីមក ។
ទន្ទឹមនោះលោក Widodo ក៏បានប្រាប់មេដឹកនាំអ៊ុយក្រែនផងដែរថា លោកចង់ជួយបង្កើតកិច្ចចរចាសន្តិភាពឡើងវិញ ហើយនឹងនាំសារនេះទៅកាន់ប្រធានាធិបតីរុស្ស៊ី Vladimir Putin នៅពេលជួបគ្នានៅថ្ងៃព្រហស្បតិ៍ ។
លោក Widodo បាននិយាយថា លោកទទួលស្គាល់សន្តិភាពពិតជាពិបាកនឹងសម្រេចបាន ប៉ុន្តែលោកបានបង្ហាញពីសារៈសំខាន់នៃដំណោះស្រាយដោយសន្តិវិធីសម្រាប់ជម្លោះដែលកំពុងបន្តនេះ ។
ការធ្វើដំណើរទស្សនកិច្ចរបស់លោក Widodo ទៅកាន់ទីក្រុងកៀវ និងទីក្រុងមូស្គូក៏ដោយសារតែឥណ្ឌូណេស៊ីជាម្ចាស់ផ្ទះនៃកិច្ចប្រជុំក្រុមប្រទេស G20 ហើយលោកក៏បានបន្តការអញ្ជើញលោក Zelensky ដើម្បីចូលរួមកិច្ចប្រជុំកំពូលនៅកោះបាលីក្នុងខែវិច្ឆិកា ខណៈលោក Zelensky និយាយថា លោកនឹងសម្រេចចិត្តដោយផ្អែកលើស្ថានភាពសន្តិសុខ ក៏ដូចជាអ្នកណាខ្លះទៀតដែលបានចូលរួមកិច្ចប្រជុំនេះ ។
ស្របពេលជាមួយគ្នានេះ លោក Widodo ក៏បានធ្វើដំណើរទៅកាន់សង្កាត់នានាក្នុងទីក្រុង Irpin ផងដែរជាកន្លែងដែលរដ្ឋាភិបាលទីក្រុងកៀវស៊ូទ្រាំនឹងការប្រយុទ្ធគ្នាយ៉ាងធ្ងន់ធ្ងរនៅដំណាក់កាលដំបូងនៃការលុកលុយ ។
ប៉ុន្តែចាប់តាំងពីពេលនោះមក ទាហានរុស្ស៊ីបានបង្វែរគោលដៅចេញពីតំបន់រដ្ឋធានីកៀវដើម្បីផ្តោតលើភាគខាងកើតជំនួសវិញ ។ ទោះបីជាយ៉ាងណាក៏ដោយ ពួកគេក៏កំពុងដឹកនាំការវាយប្រហារឆ្ពោះទៅរកគោលដៅយោធា និងជនស៊ីវិលនៅភាគខាងត្បូងផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ុយក្រែន បញ្ចេញទិន្នន័យថ្មីចំនួនទាហានស្លាប់ក្នុងសង្គ្រាមរាល់ថ្ងៃ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង