ព័ត៌មានអន្ដរជាតិ
អាមេរិក ថា មិនទាន់ដល់ពេលសម្រាប់កិច្ចពិភាក្សាសន្តិភាព រវាង រុស្ស៊ី និង អ៊ុយក្រែន ទេ (មានវីដេអូ)
ទីក្រុងវ៉ាស៊ីនតោនជឿជាក់ថា វាឆាប់ពេកហើយ ដែលត្រូវពិភាក្សាអំពីកិច្ចចរចាសន្តិភាព រវាងទីក្រុងមូស្គូ និងទីក្រុងកៀវ ដរាបណាភាគីទាំងពីរមិនទាន់ត្រៀមខ្លួនសម្រាប់ការចរចាបែបនេះ។ នេះបើតាមសម្តី អ្នកសម្របសម្រួលក្រុមប្រឹក្សាសន្តិសុខជាតិ (NSC) សម្រាប់ទំនាក់ទំនងជាយុទ្ធសាស្ត្រ លោក John Kirby បានប្រាប់ Fox News កាលពីថ្ងៃអាទិត្យទី០៣ខែកក្កដា។
នៅពេលសួរថាតើប្រធានាធិបតីអាមេរិកលោក Joe Biden គួរតែជំរុញ រុស្ស៊ី និងអ៊ុយក្រែនឆ្ពោះទៅរកការចរចាសន្តិភាពដែរឬអត់នោះ លោក Kirby និយាយថា វាជាពេលវេលាសម្រាប់សហរដ្ឋអាមេរិកដើម្បីបន្តគាំទ្រអ៊ុយក្រែន។ គោលដៅរបស់ទីក្រុងវ៉ាស៊ីនតោន គឺត្រូវធ្វើឲ្យប្រាកដថា ទីក្រុងកៀវ ទទួលបានជ័យជម្នះ នៅក្នុងជម្លោះដែលកំពុងបន្ត ទោះក្នុងលក្ខខណ្ឌអ្វីក៏ដោយ។
មន្ត្រីជាន់ខ្ពស់ NSC និយាយថា “យើងមិនចង់ឃើញអ៊ុយក្រែនចាញ់រុស្ស៊ីទេ ហើយនេះជាមូលហេតុដែលយើងប្រញាប់ប្រញាល់ផ្តល់ជំនួយ។ គ្រាន់តែសហរដ្ឋអាមេរិកម្នាក់ឯង បានផ្តល់ជំនួយ ក្នុងទំហំទឹកប្រាក់ ៧ពាន់លានដុល្លារ ទៅហើយ ដល់អ៊ុយក្រែន”។
និយាយអំពីកិច្ចពិភាក្សានាពេលអនាគត លោក Kirby លើកឡើងថា “ប្រធានាធិបតីអ៊ុយក្រែនលោក Volodymyr Zelensky នឹងប្រាប់អ្នកថា ពេលនេះមិនមែនជាពេលវេលាសម្រាប់ការពិភាក្សាទាំងនោះទេ។ មន្ត្រីអាមេរិកបន្ថែមថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន ក៏មិនបានបង្ហាញសញ្ញាចាប់អារម្មណ៍លើការចរចាដែរ”។
កាលពីដើមសប្តាហ៍នេះ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ទីក្រុងកៀវ អាចបញ្ចប់ជម្លោះក្នុងរយៈពេលត្រឹមមួយថ្ងៃ ដោយបញ្ជាឲ្យកងទ័ព និងកងកម្លាំងជាតិនិយមរបស់ខ្លួន ទម្លាក់អាវុធចុះហើយបំពេញតាមការទាមទារដែលដាក់ដោយទីក្រុងមូស្គូ។
កាលពីថ្ងៃអាទិត្យ លោក Peskov អះអាងថា វាគឺជាសហរដ្ឋអាមេរិក និងសម្ព័ន្ធមិត្តរបស់ខ្លួន ដែលចង់ឲ្យ សង្រ្គាមបន្ត និងរារាំងទីក្រុងកៀវ មិនឲ្យគិតអំពីសន្តិភាព៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ដណ្តើមបាន តំបន់ Luhansk ទាំងមូល ខណៈអ៊ុយក្រែន ដកទ័ព
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)