ព័ត៌មានអន្ដរជាតិ

ចម្លើយសារភាពបន្ថែម មុនជនដៃដល់យកកាំភ្លើងបាញ់លោក Abe

បានផុស

៤ years មុន

នៅ

ថ្ងៃអាទិត្យ ១០ កក្កដា ២០២២

ដោយ

ជនដៃដល់ក្នុងការបាញ់សម្លាប់អតីតនាយករដ្ឋមន្ត្រីជប៉ុនបានសារភាពប្រាប់ប៉ូលិសថា ដំបូងឡើយរូបគេមានបំណងសម្លាប់លោក Abe Shinzo ដោយប្រើគ្រឿងផ្ទុះ មុនពេលសម្រេចចិត្តប្រើកាំភ្លើងកែច្នៃបាញ់ប្រហារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Abe ត្រូវបានខ្មាន់កាំភ្លើងឈ្មោះ Yamagami Tetsuya បាញ់សម្លាប់កាលពីថ្ងៃសុក្រ ខណៈលោកកំពុងថ្លែងសុន្ទរកថាក្នុងយុទ្ធនាការមួយនៅភាគខាងលិចទីក្រុង Nara ។

ភ្លាមៗនោះប៉ូលិសបានចាប់ខ្លួនជនដៃដល់អាយុ ៤១ ឆ្នាំ នៅនឹងកន្លែង ខណៈក្រោយមកប៉ូលិសក៏បានដកហូតកាំភ្លើងកែច្នៃជាច្រើនដើមផ្សេងទៀតពីផ្ទះល្វែងរបស់ជនដៃដល់ ហើយស្រដៀងទៅនឹងកាំភ្លើងដែលបានរកឃើញនៅកន្លែងកើតហេតុនៃការបាញ់ប្រហារ ។

ប្រភពស៊ើបអង្កេតបានបញ្ជាក់ថា ជនដៃដល់ឈ្មោះ Yamagami បានចុះទៅកន្លែងយុទ្ធនាការផ្សេងទៀត រួមទាំងទីក្រុង Okayama នៅប៉ុន្មានថ្ងៃមុន ដោយមានគោលដៅសម្លាប់អតីតនាយករដ្ឋមន្ត្រីវ័យ ៦៧ ឆ្នាំរូបនេះ ។

ជនដៃដល់ Yamagami បានសារភាពទៀតថា ប៉ុន្តែក្រោយមករូបគេបានឃើញនៅលើគេហទំព័រមួយចុះផ្សាយថាថា លោក Abe នឹងមកទីក្រុង Nara នៅថ្ងៃទី ៨ ខែកក្កដា នេះ ។

ទន្ទឹមនោះ ប៉ូលិសកំពុងរកមើលមូលហេតុដែលបណ្តាលឲ្យជនដៃដល់ Yamagami ផ្លាស់ប្តូរគំនិតពីការប្រើប្រាស់គ្រឿងផ្ទុះ ហើយជ្រើសរើសកាំភ្លើងក្នុងការធ្វើឃាតនេះ ខណៈពួកគេក៏កំពុងស៊ើបអង្កេតពីលទ្ធភាពដែលជនដៃដល់អាចរង់ចាំរហូតមានឱកាសបាញ់ប្រហារលើលោក Abe ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជនដៃដល់យកកាំភ្លើងកែច្នៃសាហាវបំផុតបាញ់លោក Abe