ព័ត៌មានអន្ដរជាតិ
អតីតទីប្រឹក្សាសន្តិសុខជាតិសារភាពថា អាមេរិក ជួយរៀបចំផែនការធ្វើរដ្ឋប្រហារ នៅប្រទេសផ្សេងៗ (មានវីដេអូ)
អតីតទីប្រឹក្សាសន្តិសុខជាតិអាមេរិក លោក John Bolton បានប្រាប់ CNN ថា លោកបានជួយរៀបចំផែនការធ្វើរដ្ឋប្រហារនៅក្នុងប្រទេសផ្សេងៗ។
ការសារភាពនេះបានធ្វើឡើងកាលពីថ្ងៃអង្គារទី១២ខែកក្កដា ខណៈលោក Bolton និងពិធីករទូសទស្សន៍ CNN លោក Jake Tapper បានពិភាក្សាគ្នា អំពីកិច្ចខិតខំប្រឹងប្រែងដែលមិនធ្លាប់មានពីមុនមករបស់អតីតប្រធានាធិបតី Donald Trump ក្នុងការលុបចោលលទ្ធផលបោះឆ្នោតប្រធានាធិបតីសហរដ្ឋអាមេរិក។
លោក Bolton ដែលបានបម្រើការជាទីប្រឹក្សាសន្តិសុខជាតិនៅក្នុងរដ្ឋបាលលោក Trump ពីឆ្នាំ ២០១៨ ដល់ឆ្នាំ ២០១៩ បានប្រាប់លោក Tapper ថា “ទាក់ទងនឹងការកុហកអំពីការក្លែងបន្លំសន្លឹកឆ្នោត, លោក Donald Trump មិនបានធ្វើអ្វីទេ។ គ្មាននរណាម្នាក់អាចការពារបានឡើយ”។
ប៉ុន្តែលោក Bolton បានច្រានចោលការយល់ឃើញដែលថា សកម្មភាពរបស់លោក Trump គឺជាផ្នែកមួយនៃ រដ្ឋប្រហារដែលបានគ្រោងទុក។ លោក Bolton បានពណ៌នាថា អតីតប្រធានាធិបតីរូបនេះ អសមត្ថភាពខ្លាំងណាស់ ក្នុងការចូលរួម ផែនការបែបនេះ។
លោក Bolton បន្ថែមថា “កិច្ចខិតខំប្រឹងប្រែងរបស់អតីតប្រធានាធិបតី Donald Trump ក្នុងការលុបចោលការបោះឆ្នោត គឺមិនមែនជាការវាយប្រហារលើលទ្ធិប្រជាធិបតេយ្យរបស់យើងទេ”។
លោក Bolton បានលើកឡើងចំណុចស្រដៀងគ្នានេះ នៅលើកញ្ចក់ទូរទស្សន៍ CNN ក្នុងឆ្នាំ ២០២១ ដោយបញ្ជាក់ថា លោក Trump មិនមានសមត្ថភាព ក្នុងការធ្វើរដ្ឋប្រហារឡើយ ព្រោះវាទាមទារការគិតជាមុន ផែនការ យុទ្ធសាស្រ្ត និងប្រមូលការគាំទ្រ។
ក្រោយមក លោក Tapper បានដាក់សម្ពាធឲ្យលោក Bolton បញ្ជាក់ពីអ្វីដែលគាត់ចង់សំដៅ នៅក្នុងការអត្ថាធិប្បាយរបស់គាត់អំពីការមានផែនការធ្វើរដ្ឋប្រហារ។
ស្រាប់តែពេលនោះ លោក Bolton បានលើកឡើងពីការប៉ុនប៉ងធ្វើរដ្ឋប្រហារដែលបរាជ័យឆ្នាំ ២០១៩ នៅប្រទេសវេណេស៊ុយអេឡា ប្រឆាំងនឹងលោកប្រធានាធិបតី Nicolás Maduro។
ក្រុមអ្នកតវ៉ាបានចេញមកតាមដងផ្លូវនៅចុងខែមេសានៃឆ្នាំនោះ ដើម្បីបង្ខំឲ្យលោក Maduro ចុះចេញពីអំណាច។ បាតុកម្មនោះ ដឹកនាំដោយមេដឹកនាំរដ្ឋសភាលោក Juan Guaidó ដែលសហរដ្ឋអាមេរិកនៅតែទទួលស្គាល់ថាជាប្រធានាធិបតីបណ្តោះអាសន្ន ថ្វីបើការផ្តួលរំលំមិនបានជោគជ័យក៏ដោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Business Insider, The Hill
ចុចអាន៖ Donald Trump និងភរិយា និយាយបែបណា ក្រោយការផ្ទុះគ្រាប់បែកនៅ កាប៊ុល?
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?