Connect with us

ព័ត៌មានអន្ដរជាតិ

ម៉ិកស៊ិក ចាប់ស្ដេចគ្រឿងញៀនដ៏ល្បីឈ្មោះ ដែលធ្លាប់សម្លាប់ភ្នាក់ងារ អាមេរិក កាលជិត ៤០ ឆ្នាំមុន

បានផុស

នៅ

កងកម្លាំងយោធាម៉ិកស៊ិកបានចាប់ខ្លួនស្តេចគ្រឿងញៀនដ៏ល្បីឈ្មោះគឺលោក Rafael Caro Quintero ដែលជាអ្នកនៅពីក្រោយការធ្វើទារុណកម្ម និងសម្លាប់ភ្នាក់ងារអនុវត្តគ្រឿងញៀនរបស់សហរដ្ឋអាមេរិកក្នុងឆ្នាំ ១៩៨៥ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​សេចក្តី​ថ្លែងការណ៍​របស់​កង​ទ័ព​ជើង​ទឹក​ម៉ិកស៊ិកបានឲ្យដឹងថា ស្ដេចគ្រឿងញៀនឈ្មោះ Caro Quintero អាយុ ៦៩ ឆ្នាំត្រូវបានចាប់ខ្លួន បន្ទាប់ពីសត្វឆ្កែហិតក្លិនឈ្មោះ Max រកឃើញពីកន្លែងលាក់ខ្លួននៅក្នុងព្រៃក្នុងទីក្រុង San Simon រដ្ឋ Sinaloa អំឡុងពេលប្រតិបត្តិការរួមគ្នាដោយកងទ័ពជើងទឹក និងការិយាល័យអគ្គមេធាវី ។

Caro Quintero គឺជាអ្នកផ្គត់ផ្គង់ដ៏ធំនៃសារធាតុហេរ៉ូអ៊ីន កូកាអ៊ីន និងកញ្ឆាទៅកាន់សហរដ្ឋអាមេរិកនៅចុងទសវត្សរ៍ឆ្នាំ ១៩៧០ ហើយបានក្លាយជាសហស្ថាបនិកនៃក្រុមជួញដូរគ្រឿងញៀន Guadalajara ដែលជាអង្គការជួញដូរគ្រឿងញៀនដ៏មានឥទ្ធិពលបំផុតមួយនៅអាមេរិកឡាទីន ក្នុងអំឡុងទសវត្សរ៍ឆ្នាំ ១៩៨០ ។

ទន្ទឹមនោះវីដេអូនៃការចាប់ខ្លួនដែលត្រូវបានចេញផ្សាយដោយកងទ័ពជើងទឹកបានបង្ហាញពីមុខព្រិលៗរបស់លោក Caro Quintero ជាមួយនឹងការស្លៀកខោខូវប៊យ អាវពណ៌ខៀវ និងអាវធំពីខាងក្រៅ អមដោយកងកម្លាំង​ពាក់​ឯកសណ្ឋាន និង​បំពាក់​ដោយ​កាំភ្លើង​វាយប្រហារ ។

គួរបញ្ជាក់ថា Caro Quintero ធ្លាប់ជាប់គុករយៈពេល ២៨ ឆ្នាំ ប៉ុន្តែក្រោយមកត្រូវបានដោះលែងវិញនៅឆ្នាំ ២០១៣ ដោយអង្គចៅក្រមម៉ិកស៊ិក បន្ទាប់ពីបដិសេធការកាត់ទោសរយៈពេល ៤០ ឆ្នាំរបស់គាត់ពីបទចាប់ពង្រត់ និងសម្លាប់ភ្នាក់ងាររដ្ឋបាលគ្រឿងញៀនរបស់សហរដ្ឋអាមេរិកគឺលោក Enrique “Kiki” Camarena ឆ្នាំ ១៩៨៥ ៕

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ អឺរ៉ុប “កំពុងបាញ់សួតខ្លួនឯង” ពីការដាក់ទណ្ឌកម្មលើ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ១ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ២ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ៣ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

Sokha Hotels

ព័ត៌មានពេញនិយម