ព័ត៌មានអន្ដរជាតិ
យន្តហោះអ៊ុយក្រែន ផ្ទុកពេញដោយគ្រាប់មីននិងសព្វាវុធទម្ងន់ជាង ១១តោន ធ្លាក់នៅ ក្រិក
អាជ្ញាធរស៊ែប៊ី បានបញ្ជាក់ថា យន្តហោះអ៊ុយក្រែនដឹកគ្រាប់មីន និងសព្វាវុធ ១១.៥តោន បានធ្លាក់នៅតំបន់ Kavala ភាគខាងជើងប្រទេសក្រិក ខណៈកំពុងធ្វើដំណើរឆ្ពោះទៅកាន់ប្រទេសបង់ក្លាដែស កាលពីថ្ងៃអាទិត្យទី១៧ខែកក្កដា ដោយបណ្តាលឲ្យមនុស្ស៨នាក់ស្លាប់។
យន្តហោះធុន Antonov An-12 ដែលដំណើរការដោយក្រុមហ៊ុនអាកាសចរណ៍អ៊ុយក្រែន Meridian បានរាយការណ៍ពីបញ្ហាម៉ាស៊ីន និងស្នើសុំចុះចតជាបន្ទាន់ មិនយូរប៉ុន្មាន មុនពេលសាក្សីនិយាយថា វាបានផ្ទុះក្នុងចម្ការពោតមួយនៅខាងក្រៅទីក្រុង នាពេលពាក់កណ្តាលអធ្រាត្រ។
យន្តហោះ បានហោះចេញពីអាកាសយានដ្ឋាន Nis ក្នុងប្រទេសស៊ែប៊ី នៅម៉ោងប្រហែល ៨:៤០នាទីយប់។ ប្រព័ន្ធផ្សព្វផ្សាយក្រិកបានបញ្ជាក់ថា អាជ្ញាធរអាកាសចរណ៍ បានបាត់បង់សញ្ញារបស់យន្តហោះភ្លាមៗ បន្ទាប់ពីអ្នកបើកបរបានស្នើសុំចុះចតជាបន្ទាន់នៅអាកាសយានដ្ឋាន Kavala ដោយលើកឡើងពីបញ្ហាម៉ាស៊ីន។
អគ្គនាយកក្រុមហ៊ុន Meridian លោក Denys Bogdanovych បានច្រានចោលការលើកឡើងដែលថា សព្វាវុធទាំងនេះគឺមានគោលដៅដឹកទៅឲ្យភាគីណាមួយនៃជម្លោះក្នុងប្រទេសអ៊ុយក្រែន។ លោកបានប្រាប់ Reuters ថា “នេះមិនទាក់ទងនឹងអ៊ុយក្រែន ឬរុស្ស៊ីឡើយ”។
យោងតាមរដ្ឋមន្ត្រីការពារជាតិស៊ែប៊ីលោក Nebojsa Stefanovic បានឲ្យដឹងថា ទំនិញនោះគឺជារបស់ពាណិជ្ជករអាវុធស៊ែប៊ី។
អ្នកដែលរស់នៅក្នុងរង្វង់ ២ គីឡូម៉ែត្រនៃកន្លែងធ្លាក់ ត្រូវបានគេប្រាប់ឲ្យស្នាក់នៅខាងក្នុងផ្ទះ ដោយសារតែហានិភ័យពីទំនិញដែលអាចពុលបាន។
ថ្វីបើក្រុមស្វែងរក និងរថយន្តសង្គ្រោះបន្ទាន់ត្រូវបានដាក់ពង្រាយទៅកាន់ទីតាំងនោះក៏ដោយ ប៉ុន្តែពួកគេមិនត្រូវបានអនុញ្ញាតឲ្យចូលទៅជិតបំណែកយន្តហោះភ្លាមៗនោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក Zelensky បណ្តេញមន្ត្រីជាន់ខ្ពស់ ២រូប ពាក់ព័ន្ធអំពើក្បត់ជាតិ និងសហការជាមួយ រុស្ស៊ី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង