Connect with us

ព័ត៌មានអន្ដរជាតិ

អាមេរិក កោះហៅឯកអគ្គរដ្ឋទូត ចិន វិញ ចំពេលមានភាពតានតឹងនៅ តៃវ៉ាន់

បានផុស

នៅ

យោងតាមអ្នកនាំពាក្យសេតវិមានលោក John Kirby បានឲ្យដឹងកាលពីថ្ងៃសុក្រថា សហរដ្ឋអាមេរិកបានកោះហៅឯកអគ្គរដ្ឋទូតចិនប្រចាំនៅទីក្រុងវ៉ាស៊ីនតោន លោក Qin Gang ដើម្បីតវ៉ាប្រឆាំងនឹង “សកម្មភាពដែលកំពុងកើនឡើង” របស់ទីក្រុងប៉េកាំងនៅជិតកោះតៃវ៉ាន់ ។

លោក Qin Gang
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kirby បាននិយាយនៅក្នុងសេចក្តីថ្លែងការណ៍មួយដែលត្រូវបានចេញផ្សាយដោយកាសែត Washington Post ថា “បន្ទាប់ពីសកម្មភាពរបស់ប្រទេសចិននាពេលកន្លងមកនេះ យើងបានកោះហៅឯកអគ្គរដ្ឋទូតលោក Qin Gang មកកាន់សេតវិមាន ដើម្បីធ្វើការបង្ហាញអំពីសកម្មភាពបង្កហេតុរបស់សាធារណរដ្ឋប្រជាមានិត​ចិន” ។

ការកោះហៅនេះកើតឡើង បន្ទាប់ពីនៅដើមសប្តាហ៍នេះ ប្រទេសចិនបានចាប់ផ្តើមធ្វើសមយុទ្ធយោធារយៈពេល ៤ ថ្ងៃនៅក្នុងទីតាំងចំនួន ៦ ជុំវិញកោះតៃវ៉ាន់ បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះកាលពីថ្ងៃទី ២ ខែសីហា ។

ដំណើរទស្សនកិច្ចរបស់លោកស្រីបានបណ្តាលឲ្យមានភាពតានតឹងរវាងទីក្រុងប៉េកាំង និងទីក្រុងវ៉ាស៊ីនតោន ចាប់តាំងពីចិនបង្ហាញទស្សនៈលើតៃវ៉ាន់ ដែលត្រូវបានគ្រប់គ្រងដោយឯករាជ្យតាំងពីឆ្នាំ ១៩៤៩ ជាផ្នែកនៃទឹកដីរបស់ខ្លួនដែលនៅថ្ងៃណាមួយនឹងត្រូវបានបង្រួបបង្រួមជាមួយដីគោក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ឲ្យ ចិន កុំប្រតិកម្មខ្លាំងពេក ចំពោះដំណើររបស់លោកស្រី Pelosi ទៅតៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម