ព័ត៌មានអន្ដរជាតិ
រុស្ស៊ី លែងឲ្យអាមេរិក ត្រួតពិនិត្យអាវុធរបស់ខ្លួន ក្រោមសន្ធិសញ្ញា New START ទៀតហើយ
ប្រទេសរុស្ស៊ីបានប្រាប់សហរដ្ឋអាមេរិកថា ចាប់ពីពេលនេះទៅ ខ្លួននឹងមិនអនុញ្ញាតឲ្យមានការត្រួតពិនិត្យអាវុធរបស់ខ្លួន ក្រោមសន្ធិសញ្ញាគ្រប់គ្រងអាវុធនុយក្លេអ៊ែរ New START ទៀតទេ ដោយសារតែបម្រាមធ្វើដំណើរដែលដាក់ដោយទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន។
នៅក្នុងសេចក្តីថ្លែងការណ៍មួយ ក្រសួងការបរទេសទីក្រុងមូស្គូ និយាយថា លក្ខខណ្ឌអធិការកិច្ច ដែលស្នើឡើងដោយទីក្រុងវ៉ាស៊ីនតោន បានបង្កើតគុណសម្បត្តិជាឯកតោភាគីសម្រាប់សហរដ្ឋអាមេរិក និងបានដកហូតសិទ្ធិសហព័ន្ធរុស្ស៊ី ក្នុងការធ្វើអធិការកិច្ចលើទឹកដីអាមេរិកយ៉ាងមានប្រសិទ្ធភាព។
ទោះបីជាយ៉ាងណាក៏ដោយ ក្រសួងបានបន្ថែមថា រុស្ស៊ីនៅតែប្តេជ្ញាចិត្តយ៉ាងពេញលេញ ចំពោះការអនុវត្តតាមបទប្បញ្ញត្តិទាំងអស់នៃសន្ធិសញ្ញានេះ។
សន្ធិសញ្ញា New START ដែលចូលជាធរមានក្នុងឆ្នាំ២០១១ បានកំណត់ចំនួនក្បាលគ្រាប់នុយក្លេអ៊ែរជាយុទ្ធសាស្ត្រ ដែលសហរដ្ឋអាមេរិក និងរុស្ស៊ីអាចដាក់ពង្រាយ និងកំណត់ការដាក់ពង្រាយមីស៊ីលបាញ់ចេញពីដី និងមីស៊ីលបាញ់ចេញពីនាវាមុជទឹក ព្រមទាំងយន្តហោះដែលផ្ទុកក្បាលគ្រាប់។
ប្រធានាធិបតីអាមេរិកលោក Joe Biden បាននិយាយកាលពីថ្ងៃចន្ទសប្តាហ៍មុនថា រដ្ឋបាលរបស់លោក បានត្រៀមខ្លួនរួចជាស្រេចក្នុងការចរចាក្របខ័ណ្ឌមួយដើម្បីជំនួស New START ដែលនឹងត្រូវផុតកំណត់នៅឆ្នាំ ២០២៦ ប្រសិនបើទីក្រុងមូស្គូបង្ហាញឆន្ទៈក្នុងការបន្តការងារលើការគ្រប់គ្រងអាវុធនុយក្លេអ៊ែរ។
ប៉ុន្តែបេសកកម្មរបស់រុស្ស៊ីប្រចាំអង្គការសហប្រជាជាតិនិយាយថា ទីក្រុងវ៉ាស៊ីនតោនបានដកខ្លួនចេញពីកិច្ចពិភាក្សាដាច់ដោយឡែកជាមួយទីក្រុងមូស្គូ ស្តីពីស្ថិរភាពជាយុទ្ធសាស្រ្តជុំវិញជម្លោះអ៊ុយក្រែន ហើយចាំបាច់ត្រូវសម្រេចចិត្តថាតើខ្លួនចង់បានអ្វី។
នៅថ្ងៃបន្ទាប់ វិមានក្រឹមឡាំងប្រកាសថា ពេលវេលាអស់ហើយ ដើម្បីចរចាអំពីសន្ធិសញ្ញាជំនួស New START ដែលជាហេតុធ្វើឲ្យសន្តិសុខពិភពលោកប្រឈមនឹងហានិភ័យ៕
ប្រែសម្រួល៖ Vann Vann
ប្រភព៖ SKY
ចុចអាន៖ ទីបំផុត លោក ពូទីន ចុះហត្ថលេខាលើសេចក្ដីព្រាងច្បាប់ពង្រីកសន្ធិសញ្ញាអាវុធនុយក្លេអ៊ែរជាមួយអាមេរិក

-
សេចក្ដីជូនដំណឹង១ សប្តាហ៍ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម១៨ ម៉ោង ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ១ សប្តាហ៍ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ១ សប្តាហ៍ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
នយោបាយ៣ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ២ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ១១ ម៉ោង ago
លោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានអន្ដរជាតិ៣ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស