ព័ត៌មានអន្ដរជាតិ

លោក Zelensky ថា អ៊ុយក្រែន នឹងបន្តប្រយុទ្ធជាមួយ រុស្ស៊ី ដល់ទីអវសាន (មានវីដេអូ)

បានផុស

៤ years មុន

នៅ

ថ្ងៃពុធ ២៤ សីហា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានសន្យាក្នុងសុន្ទរកថានាទិវាឯករាជ្យជាតិលើកទី ៣១ ថា ប្រទេសរបស់លោកនឹងប្រយុទ្ធជាមួយសង្គ្រាមលុកលុយរបស់រុស្ស៊ី “រហូតដល់ទីអវសាន” ហើយក៏នឹងមិនធ្វើ “សម្បទាន ឬការសម្រុះសម្រួលណាមួយ” ជាមួយទីក្រុងមូស្គូផងដែរ ។

លោក Zelensky បាននិយាយនៅក្នុងសុន្ទរកថាតាមវីដេអូមួយថា “យើងមិនខ្វល់ថា អ្នកមានកងទ័ពអ្វីនោះទេ យើងខ្វល់តែលើទឹកដីរបស់យើងប៉ុណ្ណោះ ។ យើងនឹងតស៊ូប្រយុទ្ធដើម្បីអ៊ុយក្រែនរហូតដល់ទីបញ្ចប់” ។

លោកបានបន្តថា “យើងបានតស៊ូយ៉ាងខ្លាំងក្លាអស់រយៈពេល ៦ ខែកន្លងមកនេះ ។ វាជាការលំបាក ប៉ុន្តែយើងបានក្តាប់កណ្តាប់ដៃរបស់យើង ហើយយើងកំពុងតស៊ូដើម្បីជោគវាសនាប្រទេសរបស់យើង” ។

លោក Zelensky បញ្ជាក់ថា “រាល់ថ្ងៃថ្មីគឺជាហេតុផលដែលយើងមិនត្រូវបោះបង់ទឹកដីរបស់យើង ។ បន្ទាប់ពីដំណើរដ៏វែងឆ្ងាយបែបនេះ យើងសូមឆ្លើយថា “ទេ” ចំពោះការបដិសេធមិនបន្តប្រយុទ្ធដល់ទីបញ្ចប់នោះ” ។

គួរបញ្ជាក់ថា ថ្ងៃពុធ ទី២៤ ខែសីហានេះ គឺមានរយៈពេល ៦ ខែហើយគត់ ចាប់តាំងពីកងកម្លាំងរុស្ស៊ីបើកប្រតិបត្តិយោធាពិសេសលុកលុយលើអ៊ុយក្រែន ហើយក៏ជាទិវាឯករាជ្យរបស់អ៊ុយក្រែនផងដែរ ក្រោយប្រកាសចាកចេញពីសហភាពសូវៀតនៅថ្ងៃទី ២៤ ខែសីហា ឆ្នាំ ១៩៩១ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អ៊ុយក្រែន ហាមប្រាមការប្រារព្ធទិវាឯករាជ្យជាតិ ខ្លាច រុស្ស៊ី វាយប្រហារ