បាក់ទំនប់ទឹកនៅ អាហ្វ្រិកខាងត្បូង ស្លាប់និងរបួសមនុស្សច្រើននាក់

ទីប្រជុំជន Jagersfontein នៃប្រទេសអាហ្វ្រិកខាងត្បូង ត្រូវបានទឹកជន់លិច បន្ទាប់ពីទំនប់នៃអណ្តូងរ៉ែពេជ្រក្បែរនោះ បានបាក់កាលពីព្រឹកថ្ងៃអាទិត្យទី១១ខែកញ្ញា។

ទឹក​ហូរ​សម្រុកដ៏ខ្លាំង បាន​​បំផ្លាញ​ផ្ទះ​សម្បែង រថយន្ត និង​វាយប្រហារប្រជាពលរដ្ឋ។

មនុស្ស៣នាក់បានស្លាប់ និងជាង៤០នាក់រងរបួស ខណៈដែលទឹកបានហូរកាត់ទីប្រជុំជន។ នេះបើយោងតាមមជ្ឈមណ្ឌលជាតិគ្រប់គ្រងគ្រោះមហន្តរាយ អាហ្វ្រិកខាងត្បូង។

អ្នក​របួសដែលភាគច្រើនបាក់ឆ្អឹង ​ត្រូវ​បាន​បញ្ជូន​ទៅ​មន្ទីរ​ពេទ្យ​។ សេវាសង្គ្រោះបន្ទាន់កំពុងធ្វើប្រតិបត្តិការស្វែងរក និងជួយសង្គ្រោះ ខណៈអាជ្ញាធរសម្រេចជម្លៀសមនុស្សចេញពីទីប្រជុំជន។

ទោះបីជាយ៉ាងណាក៏ដោយ មូលហេតុ​នៃ​ការ​បាក់​ទំនប់នេះ ​គេ​មិនទាន់​ដឹង​នៅឡើយ​ទេ​៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ថៃ ព្រមានគ្រោះទឹកជំនន់ ជន់លិចទូទាំងប្រទេស