Connect with us

ព័ត៌មានអន្ដរជាតិ

លោក Macron ចោទ រុស្ស៊ី ថា កំពុងវិលទៅកាន់ចក្រពត្តិនិយម

បានផុស

នៅ

ប្រធានាធិបតីបារាំងលោក Emmanuel Macron បានថ្កោលទោសចំពោះសង្គ្រាមលុកលុយរបស់រុស្ស៊ីទៅលើអ៊ុយក្រែន ហើយបានអះអាងថា វាតំណាងឲ្យការវិលត្រឡប់ទៅកាន់ចក្រពត្តិនិយម និងយុគសម័យនៃអាណានិគមនិយម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់មហាសន្និបាតអង្គការសហប្រជាជាតិកាលពីថ្ងៃអង្គារ, លោក Macron បាននិយាយថា ប្រទេសរុស្ស៊ីមានចេតនាបំពាននូវធម្មនុញ្ញរបស់អង្គការសហប្រជាជាតិ បើទោះបីជាប្រទេសនេះជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិក៏ដោយ ។

លោកប្រធានាធិបតីបាននិយាយទៀតថា ទីក្រុងមូស្គូបានសម្រេចចិត្តត្រួសត្រាយផ្លូវសម្រាប់សង្គ្រាមឧបសម្ព័ន្ធនាពេលអនាគតដែលកើតមានឡើងនៅអឺរ៉ុប អាស៊ី ឬអាហ្រ្វិក ។ លោក​ថា នេះ​តំណាងឲ្យ​ការ​វិល​ត្រឡប់​ទៅ​ចក្រពត្តិនិយម និង​យុគសម័យ​អាណានិគមនិយម ។

លោក Macron បានកត់សម្គាល់ថា កង្វះខាតថាមពល និងអាហារដែលបណ្តាលមកពីសង្គ្រាមលុកលុយរបស់យោធារុស្ស៊ីលើអ៊ុយក្រែនអាចបែងចែកសហគមន៍អន្តរជាតិ ។ ទោះយ៉ាងណា លោកក៏បានអំពាវនាវឲ្យមានសាមគ្គីភាពក្នុងចំណោមប្រជាជាតិនានាផងដែរ ។

ទន្ទឹមនោះ លោក Macron បានបញ្ជាក់ទៀត​ថា ប្រទេស​ដែល​អព្យាក្រឹត និង​នៅ​ស្ងៀម ​សព្វថ្ងៃ​បានបម្រើ​បុព្វហេតុ​នៃ​ចក្រពត្តិនិយម​បែប​ថ្មី ហើយ​ក្លាយ​ជា​អ្នក​ទទួល​ខុស​ត្រូវ​ចំពោះ​ប្រវត្តិសាស្ត្រ ។

ជាចុងក្រោយលោកប្រធានាធិបតីបារាំងសង្កត់ធ្ងន់ថា គោល​ជំហរ​របស់​បារាំង​ចំពោះ​សន្តិភាព​តែងតែ​មាន​ភាព​ច្បាស់លាស់ ហើយទីក្រុង​ប៉ារីស​បាន​ចាប់​ផ្តើម​ចូល​រួម​ក្នុង​កិច្ច​សន្ទនា​ជាមួយ​ក្រុង​មូស្គូ​ មុន​ពេល​សង្គ្រាមលុកលុយរបស់រុស្ស៊ីគូ​ចាប់​ផ្តើមមកម្ល៉េះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសសម្ព័ន្ធមិត្ត រុស្ស៊ី ឲ្យទាហានប្រុងជើងការ ចំពេលមានភាពតានតឹងនៅ​ព្រំដែន អឺរ៉ុប

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

ព័ត៌មានជាតិ២ ម៉ោង មុន

តោះ! មក​ស្វែង​យល់ដំណាំ​កសិកម្ម​សំខាន់ៗ​របស់​កម្ពុជា ទ្រទ្រង់កំណើន​ការ​នាំ​ចេញ

សេដ្ឋកិច្ច៣ ម៉ោង មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៣ ម៉ោង មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ៤ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

Sokha Hotels

ព័ត៌មានពេញនិយម