ព័ត៌មានអន្ដរជាតិ
លោកខាងលិច ប្រឹងដាក់ទណ្ឌកម្មប្រឆាំង រុស្ស៊ី ឯអ្នកប៉ះពាល់គឺ អឺរ៉ុប
លោក Milorad Dodik មេដឹកនាំស៊ែបបូស្នៀបានប្រាប់សារព័ត៌មាន Ria Novosti ថា ទណ្ឌកម្មរបស់លោកខាងលិចដែលខំប្រឹងដាក់លើរុស្ស៊ីជុំវិញប្រតិបត្តិការយោធារបស់ខ្លួនក្នុងប្រទេសអ៊ុយក្រែន បានប៉ះពាល់ជាចម្បងដល់សហភាពអឺរ៉ុប (EU) ។
លោក Dodik បាននិយាយថា “រុស្ស៊ីនៅតែជាប្រទេសដៃគូរបស់យើង ទោះបីជាមានទណ្ឌកម្មដែលត្រូវបានដាក់ប្រឆាំងនឹងរុស្ស៊ីក៏ដោយ ហើយផលវិបាកអវិជ្ជមាននោះគឺទាក់ទងទៅនឹងអ្នកដែលបានដាក់ទណ្ឌកម្មពួកគេទៅវិញទេ ឬនិយាយម្យ៉ាងទៀតថា ប៉ះពាល់ខ្លាំងដល់សហភាពអឺរ៉ុប” ។
លោក Milorad Dodik បានបន្ថែមថា រាល់គម្រោងរួមគ្នារបស់បូស្នៀជាមួយរុស្ស៊ី រួមទាំងការសាងសង់បំពង់បង្ហូរឧស្ម័ននៅតំបន់ Republika Srpska នឹងត្រូវបន្ត ហើយជាការពិតណាស់ ការសន្ទនាអំពីថាមពលក៏មិនប្រែប្រួលផងដែរ ពោលដូចកាលចាប់ផ្ដើមដំបូង” ។
ទន្ទឹមនោះ នៅក្នុងដំណើរទស្សនកិច្ចទៅកាន់ទីក្រុងមូស្គូកាលពីថ្ងៃអង្គារ និងបានជួបជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន, មេដឹកនាំរូបនេះបានបញ្ជាក់ថា កិច្ចសហប្រតិបត្តិការជាមួយរុស្ស៊ីក្នុងវិស័យឧស្ម័នកំពុងដំណើរការល្អ ហើយគួរតែត្រូវបានបន្ត និងធ្វើឲ្យប្រសើរឡើង ។
គួររំឭកថា នៅថ្ងៃទី ២៤ ខែកុម្ភៈ រុស្ស៊ីបានចាប់ផ្តើមប្រតិបត្តិការយោធានៅអ៊ុយក្រែន ដោយឆ្លើយតបនឹងការអំពាវនាវរកជំនួយពីសាធារណរដ្ឋដែល Donetsk និង Lugansk ។ លោកខាងលិចបានឆ្លើយតបដោយការដាក់ទណ្ឌកម្មទ្រង់ទ្រាយធំប្រឆាំងនឹងរុស្ស៊ី ដោយសហភាពអឺរ៉ុបបានសន្យាថានឹងបញ្ចប់ការពឹងផ្អែកលើការផ្គត់ផ្គង់ថាមពលរបស់រុស្ស៊ី ខណៈប្លុកមួយនេះបានអនុម័តកញ្ចប់ទណ្ឌកម្មចំនួន ៧ ប្រឆាំងនឹងទីក្រុងមូស្គូរួចហើយ ។
ដោយឡែកកាលពីខែកញ្ញា រដ្ឋមន្ត្រីហិរញ្ញវត្ថុ G7 ក៏បានបញ្ជាក់អំពីចេតនារបស់ពួកគេក្នុងការដាក់កម្រិតតម្លៃប្រេងរបស់រុស្ស៊ី និងបានអំពាវនាវឲ្យប្រទេសទាំងអស់គាំទ្រគំនិតផ្តួចផ្តើមនេះផងដែរ ខណៈការកំណត់តម្លៃនេះនឹងចូលជាធរមាននៅថ្ងៃទី ៥ ខែធ្នូ ឆ្នាំ ២០២២ សម្រាប់ប្រេងឆៅ និងនៅថ្ងៃទី ៥ ខែកុម្ភៈ ឆ្នាំ ២០២៣ សម្រាប់ផលិតផលចម្រាញ់មកពីប្រទេសរុស្ស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក Shoigu ៖ រុស្ស៊ី កំពុងធ្វើសង្គ្រាមជាមួយបស្ចិមប្រទេស ច្រើនជាង អ៊ុយក្រែន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល