Connect with us

ព័ត៌មានអន្ដរជាតិ

អាមេរិក មានផែនការរួចហើយ បើរុស្ស៊ី បាញ់នុយក្លេអ៊ែរ (មានវីដេអូ)

បានផុស

នៅ

រដ្ឋមន្ត្រីការបរទេសអាមេរិក លោក Antony Blinken បាននិយាយថា រដ្ឋបាលរបស់ប្រធានាធិបតីអាមេរិក Joe Biden មានផែនការរួចហើយ សម្រាប់ប្រតិកម្មចំពោះការប្រើប្រាស់អាវុធនុយក្លេអ៊ែរដោយរុស្ស៊ី ប៉ុន្តែនឹងមិនបង្ហាញព័ត៌មានលម្អិតឡើយ។

រដ្ឋមន្ត្រីការបរទេសអាមេរិក លោក Antony Blinken

លោក Blinken បាននិយាយក្នុងបទសម្ភាសន៍ជាមួយកម្មវិធី “60 Minutes” របស់ទូរទស្សន៍ CBS News កាលពីចុងសប្តាហ៍ថា ប្រសិនបើរុស្ស៊ី ដាក់ពង្រាយអាវុធបរមាណូនៅលើសមរភូមិមែននោះ ផលវិបាកពិតជារន្ធត់ណាស់ ហើយយើងនឹងបង្ហាញឲ្យឃើញច្បាស់។ សារ​នេះ​ត្រូវ​បាន​ផ្ញើទៅ​ថ្នាក់​ដឹកនាំ​រុស្ស៊ី​ជា​សាធារណៈ និង​ឯកជន។

លោកបានព្រមានថា “ខ្ញុំ​នឹង​មិន​បញ្ជាក់ថា តើ​ផល​វិបាកគឺជាអ្វីនោះទេ​។ ការប្រើប្រាស់អាវុធនុយក្លេអ៊ែរណាមួយ នឹងមានផលប៉ះពាល់ជាមហន្តរាយសម្រាប់ប្រទេសដែលប្រើប្រាស់វា ហើយក៏សម្រាប់ប្រទេសជាច្រើនទៀតផងដែរ”។

លោក Blinken បានធ្វើអត្ថាធិប្បាយបែបនេះ ឆ្លើយតបទៅការកត់សម្គាល់កាលពីសប្តាហ៍មុនដោយប្រធានាធិបតីរុស្ស៊ីលោក Vladimir Putin ដែលបានចោទប្រកាន់សហរដ្ឋអាមេរិក និងសម្ព័ន្ធមិត្តរបស់ខ្លួនថា កំពុងព្យាយាមបែងចែកប្រទេសរុស្ស៊ី ហើយនិយាយថា ទីក្រុងមូស្គូនឹងប្រើប្រាស់ឧបករណ៍ទាំងអស់ ដើម្បីទប់ស្កាត់លទ្ធផលនោះ។

ស្របពេលជាមួយគ្នានោះ លោក Blinken ក៏​បាន​ជំរុញផងដែរ ​ឲ្យ​រុស្ស៊ី​ ទប់ស្កាត់​ការ​កើនឡើងភាពតានតឹង​បន្ថែម​ទៀត ​ដោយ​ការ​ដក​ទ័ព​ចេញ​ពី​អ៊ុយក្រែន។ លោក​និយាយ​ថា “​ប្រសិនបើ​រុស្ស៊ី​ឈប់​ប្រយុទ្ធ សង្គ្រាម​នឹង​បញ្ចប់។ បើ​អ៊ុយក្រែន​ឈប់​ប្រយុទ្ធ អ៊ុយក្រែន​នឹង​ចប់”។

ប្រទេសលោកខាងលិច នៅតែបន្តផ្តល់អាវុធដល់អ៊ុយក្រែនដោយហៅវាថា ជាវិធានការចាំបាច់ដើម្បីជួយទីក្រុងកៀវ កម្ចាត់កងកម្លាំងរុស្ស៊ីនៅលើសមរភូមិ។

ដោយឡែកលោក Putin បាននិយាយនៅក្នុងសុន្ទរកថា កាលពីសប្តាហ៍មុនថា កងកម្លាំងរុស្ស៊ីកំពុងប្រយុទ្ធប្រឆាំងនឹងម៉ាស៊ីនយោធាលោកខាងលិចទាំងមូល នៅអ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ស្ថានការណ៍នៅរុស្ស៊ីកំពុងក្តៅ! បាញ់សម្លាប់រង្គាលក្នុងសាលា, បាញ់មេបញ្ជាការកែនទាហាន និងបាតុករដុតខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤១ នាទី មុន

ស្ថាប័នបីចាប់ដៃបង្កើតឱកាសរួមគ្នារវាងកម្ពុជា-ជប៉ុន ផ្អែកលើទស្សនវិជ្ជាធុរកិច្ចរបស់លោក Inamori

ព័ត៌មានអន្ដរជាតិ២ ម៉ោង មុន

គណបក្សភឿថៃ បង្ហាញបេក្ខជនតំណាងរាស្ត្រថ្មីសម្រាប់ការបោះឆ្នោតសមាជិកសភាអាណត្តិក្រោយ

ព័ត៌មានជាតិ៣ ម៉ោង មុន

លោក​ឡុង ឌី​ម៉​ង់ លើកឡើង​អំពី​សក្តានុពល ខេត្ត​ព្រះសីហនុ ក្នុង​វេទិកា​អភិបាលក្រុង​អាស៊ាន AMF និង​កិច្ចប្រជុំ​អភិបាល​រាជធានី រដ្ឋធានី​អាស៊ាន MGMAC ឆ្នាំ​២០២២

KPT+៣ ម៉ោង មុន

ទាយាទស្ថាបនិក Red Bull ក្លាយជាមហាសេដ្ឋីមានបំផុតនៅអឺរ៉ុប ក្រោយទទួលមរតកជិត ១៦ពាន់់លានដុល្លារ

សន្តិសុខសង្គម៤ ម៉ោង មុន

ស្នងការរាជធានីភ្នំពេញ​ ត្រៀមកម្លាំងជាង ៧០០នាក់ ដើម្បីការពារសន្តិសុខសណ្ដាប់​ធ្នាប់ សម្រាប់ការប្រឡងបាក់ឌុប

Sokha Hotels

ព័ត៌មានពេញនិយម