ព័ត៌មានអន្ដរជាតិ
ក្រុមតវ៉ាអំពាវនាវពលរដ្ឋស្លៀកពាក់ខ្មៅ៧ថ្ងៃប្រឆាំងការសម្រេចរបស់តុលាការឲ្យលោក ប្រាយុទ្ធ បន្តកាន់អំណាច
មេដឹកនាំតវ៉ាគាំទ្រប្រជាធិបតេយ្យបានអំពាវនាវដល់ប្រជាជនឲ្យនាំគ្នាពាក់ខោអាវពណ៌ខ្មៅរយៈពេល៧ថ្ងៃ និងជួបជុំគ្នានៅវិមានជ័យជម្នះនាថ្ងៃសៅរ៍ ទី១ ខែតុលានេះ ដើម្បីបង្ហាញពីការប្រឆាំងនឹងសេចក្តីសម្រេចរបស់តុលាការធម្មនុញ្ញដែលសម្រេចឲ្យលោកនាយករដ្ឋមន្ត្រី ប្រាយុទ្ធ ចាន់អូចា ចូលកាន់អំណាចវិញតាមការកំណត់អាណត្តិ៨ឆ្នាំ។
កាលពីរសៀលថ្ងៃសុក្រម្សិលមិញ ក្រុមបណ្តាញតាវ៉ាបានជួបជុំគ្នានៅ Pathumwan Skywalk ទីក្រុងបាងកកដើម្បីស្តាប់ការសម្រេចរបស់តុលាការ។ ក្រុមតវ៉ាដឹកនាំដោយលោក Thatchapong Kaedam ចំអកចំពោះការសម្រេចរបស់តុលាការដែលគាំទ្រលើលោក ប្រាយុទ្ធ។
លោក Thatchapong បាននិយាយថា ក្រុមតវ៉ាមិនអាចទទួលយកការសម្រេចចិត្តនេះបានទេ និងបានហៅការសម្រេចនេះថាជា«ការទះកំផ្លៀងជាតិ»។
ចំណែកលោក Thanaporn Wichan សកម្មជនមកពីបណ្តាញពលកម្មនៃសិទ្ធិប្រជាជនបានប្រកាសដល់ហ្វូងអ្នកតវ៉ាថា នឹងមិនទទួលយកការសម្រេចនេះឡើយ។ ពួកគេជឿថា ការកាន់អំណាចរបស់លោក ប្រាយុទ្ធ ចប់ត្រឹមថ្ងៃទី២៤ ខែសីហាហើយ។
ពួកគាត់បានជំរុញឲ្យប្រជាពលរដ្ឋ«កាន់ទុក្ខស្ថិតក្រោមរបបគ្រប់គ្រងដ៏អាក្រក់របស់លោកនាយករដ្ឋមន្ត្រី ប្រាយុទ្ធ តាមរយៈពេលស្លៀកពាក់ឈុតខ្មៅចាប់ពីថ្ងៃទី១ ដល់ទី៧ ខែតុលានេះ។
កាលពីថ្ងៃសុក្រម្សិលមិញ តុលាការធម្មនុញ្ញថៃសម្រេចថា អាណត្តិរបស់លោកនាយករដ្ឋមន្ត្រី ប្រាយុទ្ធ ចាន់អូចា មិនទាន់ឈានដល់ដែនកំណត់រយៈពេល ៨ ឆ្នាំទេ ព្រោះអាណត្តិបានចាប់ផ្តើមនៅថ្ងៃទី ៦ ខែមេសា ឆ្នាំ ២០១៧ នៅពេលធម្មនុញ្ញបច្ចុប្បន្នចូលជាធរមាន។ ដូច្នេះលោកអាចបន្តកាន់អំណាចរហូតដល់ឆ្នាំ២០២៥៕
ប្រែសម្រួល៖ វីរបុត្រ
ប្រភព៖ bangkokpost
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង