ព័ត៌មានអន្ដរជាតិ
ព្យុះសង្ឃរា Ian សម្លាប់មនុស្សជាង ៧០ នាក់ហើយនៅ អាមេរិក
សារព័ត៌មាន NBC News រាយការណ៍ថា គិតត្រឹមពេលនេះរដ្ឋ Florida និងរដ្ឋ North Carolina បានកត់ត្រាអ្នកស្លាប់ជាង ៧០ នាក់ហើយ បន្ទាប់យ៉ាងហោចណាស់មនុស្ស ៤៥ នាក់បន្ថែមទៀតបានស្លាប់ ដោយសារតែព្យុះសង្ឃរា Ian ។
ព្យុះសង្ឃរា Ian បានបោកបក់នៅរដ្ឋ South Carolina របស់សហរដ្ឋអាមេរិកកាលពីថ្ងៃសុក្រ បន្ទាប់ពីបានបង្កការបំផ្លិចបំផ្លាញដ៏ធំនៅក្នុងរដ្ឋ Florida កាលពីថ្ងៃពុធ និងថ្ងៃព្រហស្បតិ៍ ។ បន្ទាប់មកវាក្លាយទៅជាព្យុះស៊ីក្លូន ហើយបានរំកិលទៅភាគខាងត្បូងនៃរដ្ឋ Virginia នៅថ្ងៃសៅរ៍ ។
នាយកគ្រប់គ្រងគ្រោះអាសន្នរដ្ឋ Florida លោក Kevin Guthrie បាននិយាយកាលពីថ្ងៃសៅរ៍ថា រហូតមកដល់ពេលនេះរដ្ឋបានជួយសង្គ្រោះមនុស្សយ៉ាងហោចណាស់ ១,១០០ នាក់ ចាប់តាំងពីព្យុះ Ian បានចុះចតនៅទីនោះកាលពីថ្ងៃពុធ ខណៈព្យុះនេះបានធ្វើឲ្យមនុស្ស ១.៩ លាននាក់គ្មានអគ្គិសនីប្រើប្រាស់ផងដែរ ។
យោងតាមរបាយការណ៍របស់ប្រព័ន្ធផ្សព្វផ្សាយអាមេរិកបានឲ្យដឹងថា ការដាច់ចរន្តអគ្គិសនីជាង ២០០,០០០ កន្លែងត្រូវបានរាយការណ៍នៅរដ្ឋ South Carolina កាលពីថ្ងៃសៅរ៍ និង ១៣៨,០០០ នាក់ទៀតនៅរដ្ឋ North Carolina ។
ទន្ទឹមនោះ ប្រធានាធិបតីអាមេរិកលោក Joe Biden បានប្រកាសអាសន្ននៅរដ្ឋ South Carolina ហើយថែមទាំងបាននិយាយថា ព្យុះសង្ឃរា Ian អាចនឹងក្លាយជាព្យុះដ៏សាហាវបំផុតក្នុងប្រវត្តិសាស្ត្ររបស់រដ្ឋ Florida ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ថៃ ប្រកាសស្រុកមួយក្នុងខេត្តភាគកណ្ដាល កំពុងស្ថិតក្រោមទឹកជំនន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង