ព័ត៌មានអន្ដរជាតិ
ក្រុមអាវលឿង ចោទអាមេរិកកំពុងបង្កសង្គ្រាមកូនកាត់ធ្វើឲ្យវឹកវរប្រទេសខ្លួន
ក្រុមបាតុករអាវលឿង ដែលជាអ្នកស្មោះស្ម័គ្រនិងរាជានិយមថៃ បានចេញមុខតវ៉ានៅមុខស្ថានទូតអាមេរិក ប្រចាំទីក្រុងបាងកក ដោយអះអាងអាមេរិកកំពុងបង្កសង្គ្រាមកូនកាត់ (Hybrid War) ប្រឆាំងប្រទេសថៃ និងទាមទារឲ្យមហាអំណាចពិភពលោកមួយនេះ បញ្ឈប់សកម្មភាពបង្កសង្គ្រាមរបស់ខ្លួនជាបន្ទាន់។
ការតវ៉ា គឺដឹកនាំដោយតារាចម្រៀងម្នាក់ ឈ្មោះ Haruethai “Ooh” Muangboonsri ដោយមានលើកបដាសរសេរជាភាសាអង់គ្លេស ស្តីបន្ទោសសហរដ្ឋអាមេរិក ជាអ្នកបង្កសង្គ្រាមកូនកាត់ ជ្រាតជ្រែកចូលកិច្ចការផ្ទៃក្នុងរបស់ថៃ។
លើបដាសរសេរថា “បញ្ឈប់សង្គ្រាមកូនកាត់ និងផ្តល់សន្តិភាពឲ្យពិភពលោកវិញ”។ ជាមួយគ្នានេះ ក៏មានបដាស្តីបន្ទោសអគ្គរដ្ឋទូតអាមេរិក លោក Michael George DeSombre ដោយនិយាយថា “ការងាររបស់លោកនៅហុងកុង គឺលោកធ្វើបានល្អ ប៉ុន្តែការងារនៅបាងកក លោកធ្វើមិនបានល្អទេ”។
នាង Haruethai ដែលដឹកនាំការតវ៉ានេះ និយាយថា តាមរយៈស្ថានទូត សហរដ្ឋអាមេរិក ត្រូវគោរពកិច្ចការផ្ទៃក្នុងរបស់ថៃ ថៃជាប្រជាជាតិគួរឲ្យរាប់អាន ហើយប្រទេសទាំងពីរក៏ជាមិត្តនិងគ្នាយូរអង្វែងមកហើយដែរ។
តារាចម្រៀងរូបនេះ ស្តីបន្ទោសទៀតថា “មានមនុស្សមានចេតនាវាប្រហារស្ថាប័នរាជរាំង និងធ្វើឲ្យបែកបាក់សាមគ្គីភាពពលរដ្ឋថៃ។ ស្ថាប័នរាជវង្ស ជាកូនសោរនៃសន្តិភាពរបស់ប្រទេស ហើយព័ត៌មានត្រឹមត្រូវ និងចេតនាបង្កភាពវឹកវរ គឺកើតចេញពីចេតនារបស់ប្រទេសផ្សេង៕
ប្រែសម្រួល៖ សុភា
ប្រភព៖ Bangkok Post
អត្ថបទពាក់ព័ន្ធ៖
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង