ព័ត៌មានអន្ដរជាតិ

ទៀតហើយ! ដោយសារវិបត្តិសេដ្ឋកិច្ច ពលរដ្ឋអ៊ីតាលី ចេញតវ៉ាប្រឆាំងវិធានការការពារកូវីដរលកទី២

បានផុស

៦ years មុន

នៅ

ថ្ងៃអង្គារ ២៧ តុលា ២០២០

ដោយ

ការតវ៉ា បានផ្ទុះឡើងទូទាំងប្រទេសអ៊ីតាលី ក្រោយរដ្ឋាភិបាល ចេញការរឹតបន្តឹងគម្លាតសង្គមថ្មី ក្នុងចេតនាទប់ស្កាត់រលកទី២ នៃជំងឺកូវីដ ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតវ៉ា ដែលចាប់ផ្តើមកាលពីថ្ងៃច័ន្ទបាន ឈានដល់ផ្ទុះហឹង្សាដាក់គ្នារវាងបាតុករ និងកម្លាំងរក្សាសន្តិសុខ ដោយមានទាំងការគប់ដបសាំងទៅលើកងកម្លាំងទៀតផង។

ការប៉ះទង្គិចគ្នានេះ កើតឡើងក្នុងទីក្រុង Milan និងទីក្រុង Turin ខណៈប៉ូលីសបានប្រើឧស្ម័នបង្ហូរទឹកភ្នែកដើម្បីបំបែកហ្វូងបាតុករ ស្របពេលមនុស្សរាប់ម៉ឺននាក់ចាប់ផ្តើមប្រមូលផ្តុំគ្នានៅកណ្តាលទីក្រុង Napoli។

ការតវ៉ានេះ ផ្ទុះចេញពីបម្រាមរឹតបន្តឹងថ្មី តម្រូវឲ្យភោជនីយដ្ឋាន បារ ក្លិបហាត់ប្រាណ និងរោងភាពយន្ត ត្រូវបិទអាជីវកម្មរបស់ខ្លួននៅត្រឹមម៉ោង ១៨៖០០។

ហេតុផលនៅពីក្រោយការតវ៉ានេះ ដោយសារពលរដ្ឋអ៊ីតាលីភាគច្រើន សុទ្ធតែរងគ្រោះខ្លាំងដោយវិបត្តិសេដ្ឋកិច្ចបង្កពីរលកទី១ នៃជំងឺកូវីដ ១៩ ខណៈអាជីវកម្មតួចៗស្ទើរទូទាំងប្រទេស លើកឡើងថា ខ្លួនកំពុងក្រោកបន្តិចម្តងៗពីផលប៉ះពាល់រលកទី១ ហើយវិធានការថ្មីនេះ នឹងធ្វើឲ្យពួកគេក្ស័យធន់មិនខាន។

គួរបញ្ជាក់ថា អ៊ីតាលី ជាប្រទេសរងគ្រោះធ្ងន់ធ្ងរដំបូងបង្អស់នៅអឺរ៉ុប ចាប់តាំងពីមានការផ្ទុះរាតត្បាតកូវីដ ១៩ រលកទី១ ខណៈមកទល់នឹងពេលនេះ អ៊ីតាលី មានអ្នកឆ្លងកូវីដ ១៩ សរុប ៥៤២ ៧៨៩នាក់ និងស្លាប់ ៣៧ ៤៧៩នាក់៕

ប្រែសម្រួល៖ សុភា
ប្រភព៖ BBC

អត្ថបទពាក់ព័ន្ធ៖

Related Topics:ប្រទេសអ៊ីតាលី