ព័ត៌មានអន្ដរជាតិ

តួកគី អនុម័តច្បាប់ ដាក់ពន្ធនាគារ ៣ឆ្នាំ ចំពោះអ្នកផ្សព្វផ្សាយព័ត៌មានក្លែងក្លាយ

បានផុស

៤ years មុន

នៅ

ថ្ងៃសុក្រ ១៤ តុលា ២០២២

ដោយ

សភារបស់ប្រទេសតួកគីកាលពីថ្ងៃព្រហស្បតិ៍ទី១៣ខែតុលា បានអនុម័តច្បាប់ប្រព័ន្ធផ្សព្វផ្សាយថ្មីដ៏តឹងតែងមួយ ដែលអាចធ្វើឲ្យអ្នកយកព័ត៌មាន និងអ្នកប្រើប្រាស់ប្រព័ន្ធផ្សព្វផ្សាយសង្គម ជាប់ពន្ធនាគាររហូតដល់ទៅ៣ឆ្នាំ ចំពោះការផ្សព្វផ្សាយព័ត៌មានក្លែងក្លាយ។

ច្បាប់ថ្មីនេះ នឹងពង្រឹងការកាន់កាប់យ៉ាងតឹងរ៉ឹងរបស់រដ្ឋាភិបាល លើប្រព័ន្ធផ្សព្វផ្សាយ ហើយការអនុម័តបានកើតឡើងប្រាំបីខែ មុនការបោះឆ្នោត។

ច្បាប់នេះរួមមានវិសោធនកម្មចំនួន៤០ ដែលវិសោធនកម្មនីមួយៗ ទាមទារឲ្យមានការបោះឆ្នោតដាច់ដោយឡែកពីគ្នា។ ច្បាប់នេះ ត្រូវបានស្នើឡើងដោយគណបក្ស AKP របស់លោក Erdogan និងមានការជំទាស់យ៉ាងខ្លាំងពីសំណាក់ក្រុមប្រឆាំងធំៗរបស់ប្រទេសតួកគី។

ប្រធានាធិបតីតួកគីលោក Recep Tayyip Erdogan

ច្បាប់នេះ បានកំណត់ទោសព្រហ្មទណ្ឌចំពោះអ្នកដែលត្រូវបានរកឃើញថា មានកំហុសក្នុងការផ្សព្វផ្សាយព័ត៌មានមិនពិតឬបំភាន់។ វាទាមទារឲ្យបណ្តាញសង្គម និងគេហទំព័រអ៊ីនធឺណិត ប្រគល់ព័ត៌មានលម្អិតផ្ទាល់ខ្លួនរបស់អ្នកប្រើប្រាស់ដែលសង្ស័យថា ផ្សព្វផ្សាយព័ត៌មានមិនពិត។

ទោះបីជាយ៉ាងណាក៏ដោយ ក្រុមសិទ្ធិមនុស្ស Council of Europe បាននិយាយថា និយមន័យមិនច្បាស់លាស់នៃវិធានការនេះ និងការគំរាមកំហែងដាក់ពន្ធនាគារ អាចជះឥទ្ធិពលខ្លាំង និងបង្កើនការបង្ក្រាបមិនតិចទេ មុនការបោះឆ្នោតនាពេលខាងមុខក្នុងខែមិថុនាឆ្នាំ ២០២៣៕

ប្រែសម្រួល៖ Vann Vann

ប្រភព៖ NDTV

ចុចអាន៖ លោក ពូទីន ចេញច្បាប់បង្ក្រាប “ព័ត៌មានក្លែងក្លាយ” លើសកម្មភាពយោធា រុស្ស៊ី នៅបរទេស